Labing hapsay last distribution sa cash gifts
SENIOR CITIZENS CORNER - A.M. Dela Serna (Banat) - February 14, 2014 - 12:00am

Una sa tanan, Happy Valentine’s Day kanatong tanan. Labi na katong mga senior citizens, nga lahi sa ato karong kabatan-onan (way labut sa nagbinuotan), milungtad gayud ang atong paghigugmaay ug pag-inunongay, gituman ang “in sickness and in health, in failures and in successes, in smiles and in tears.”

Mora’g waa na ni karon. Gani, waa na mouso ang kasal, diritso na la’g puyo. Ipaagi na la’g text ang pagpadayag sa gugma … unya, og unsay mahitabo, ibaligya pinaagi sa cyber sex ang dungog ug kaugmaon sa mga anak.  Hinungdan nga na-alarmed karon ang Simbahan ug ang matarong nga katilingban pagdagsang sa out-of-marriage teenage pregnancies. Pastilan! 

Whatever, Happy Valentine kanatong tanan … regardless nagduwaduwa ka lang sa gugma o wala.

Anyway, ang last nga pagpanghatag sa cash assistance, alang nako, maoy labing hapsay, maayo kaayong pagka-organize. At least, sa among barangay sa Guadalupe, despite sa kadaghan namong mga senior citizens. Upat mi ka pundok, ikalima ang Federation. Apan, waay samok.

Diha lang konoy mga disinformation earlier nga gikinahanglan ang cedula o Community Tax Certificate una makakubra. Ug duha ra ka libo ang madawat, ug ang  usa ka libo i-raffle pa. Of course, na-corrected kining tanan, hinungdan nga on the day sa distribution, hapsay ang tanan.

Congratulations sa city hall, labi na sa utok sa maong kalihokan. 40 ka lamesa, sa ato pa, 40 ka disbursing assistants, ug duna pay laing mi-assist  kanila. Ug lagmit, gipasidan-an sila nga kinahanglan dili sila magmug-ot inig-atubang sa mga senior citizens.

Ang nahitabo, they were all smiles and very accommodating. Number 13 ang akong table. Waa kaabot og 5 minutes, nakakobra na ko. Ako rang usa, mga ala una y media sa hapon.  Nindot gyud kaayo. Diha lay mga pangutana kun ngano nga 3 mil da. Ato ning gipatin-aw sa miagi natong mga lindog. Ato kining i-elaborate, sa ato unyang pag-workshop kun unsay mahitabo sa balance nga P6,000 … unsa kining giingon nga “In kind.”

In  the meantime, Paminaw sa Senior Citizens Hour, 5:00-6:00 pm, matag Sabado, DyRC, 648 kHz, Tels. 4125249, 4125298.

 

APAN ATO COMMUNITY TAX CERTIFICATE DIHA HAPPY VALENTINE SENIOR CITIZENS HOUR
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with