Best countries to grow old
SENIOR CITIZENS CORNER - A.M. Dela Serna (Banat) - November 15, 2013 - 12:00am

Ang Global Age Watch, inabagan sa Help Age International ug sa United Nations Population Fund, nag-survey pagsuta kun asa sa pipila ka nasud sa tibuok kalibutan nga maayong pahuwayan sa mga tigulang.

Dinhi sa Southeast Asia, sa 91 ka nasud nga gi-survey, ang Pilipinas nahimutang sa ika-44, sunod sa Thailand sa ika-42, nag-una sa Vietnam (53), Indonesia (71) ug Cambodia (80). Maayo na lang bisag waa ta ma-number one.

Ang napulo ka best countries to grow old, mao ang Sweden, Norway, Germany, Netherlands, Canada, Switzerland, New Zealand, USA, Iceland ug Japan. Mao ni ang mga nasud diin ilang gitahod ug gitamod pag-ayo ang mga senior citizens. Note nga ang America ika-walo.

Dinhi sa ato, samtang giila usab kita pagka-matinahuron sa mga senior citizens, usahay bugalbugalan lang. Kantahan dayon tag “AngTigulang” – ug himuong kataw-anan.

Sa ubang mga nasud, waa sila magkinahanglan og mga IDs aron maka-avail sa mga discounts ug ubang mga privileges. Dinhi sa ato, istrikto kaayo.

Samtang adunay ordinansa nga nagbuot nga hatagan og free parking sa unang tulo ka oras ang mga senior citizens, adunay mga establishments nga wala motuman ini. Sa mga mall, aduna pay mga tindahan nga walay express lane alang sa mga senior citizens. Kun duna man, magsagol lang ang mga batan-on ug mga tigulang.

Samtang nagpasalamat kita sa Expanded Senior Citizens Act of 2010,  adunay mga provisions ini nga wala tumana sa gobiyerno, sama sa provision nga kinahanglan i-review ug i-update ang pension  sa mga retirees. Moupat na ka tuig, apan, wala kitay nakita nga pag-review ini.

Maayo na lang unta kadto nga kabahinan ta sa P10 bilyones pork barrel, nga kalit  nahanaw. Lagmit, wala sa priority sa Kongreso ang panginahanglan sa senior citizens nga unta sila man ang migama sa balaud 9257 ug 9994 nga nagbuot pag-review regularly sa madawat nga pension sa mga GSIS ug SSS pensioners.   Karon, ang ilang giuna, uban sa pag-uyon ni Noynoy, mao ang tag-P1 million nilang mga bonuses. Pastilan!

Unya, kun tinuod pa gyud ang ilang pagpakabana sa senior citizens, nganong P500 ra man matag buwan ang ilang gihatag ngadto sa mga indigent senior citizens? Unsa may mahimo sa P500 matag buwan? Nganong wala man sila makahunahuna pag-iban bisag gamay lang sa gikawat nga 10 bilyones pesos nga pork barrel alang sa mga indigent senior citizens?

Again maoy ilang giuna ang ilang tag-one million pesos nga bonus. Again, pastilan! Sa iyang article sa Inquirer, giulohan og “The grim reality of growing old poor in the Philippines,” si Sherry Legislador, usa ka Filipino-Canadian, nagkanayon: “It seems that the older one gets in the Philippines, one tends to be discarded and eventually forgotten.” So, dili maayong magpatiguwang tang pobre dinhi sa Pilipinas. Magkatiguwang ta, isalikway na lang ta, hangtod nga hikalimtan. Labi nag pobre kaayo ta. Kuyawa no? Mora sad tag maagian ni Yolanda ini!  

In the meantime, paminaw sa Senior Citizens Hour sa DYRC 648 kHz matag Sabado, 5:00-6:00 pm. Tels. 4125249, 4125298. 

 

CITIZENS DINHI EXPANDED SENIOR CITIZENS ACT MAAYO NEW ZEALAND SENIOR
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with