Pasayloa kami, Ginoo
Sugilanon - Jethro Barita Ochea (Banat) - March 15, 2016 - 10:00am

Sulod sa suki nilang motel nga tsik-inanan, gitagbaw na usab nila ni Eddie ug Josie ang ilang kaugalingon diha sa kinawatkawat nilang romansa.

"Ambot ngano nga lami man gyud kang romansahon, ikumparar sa akong asawa, Joss...!"

"Hunahuna ra na nimo, Ed! Gwapa ug seksi gud ang imong asawa nga si Jinky! Ambot ba sab bitaw, nga di man ko makabalibad nimo nga romantiko man usab unta kaayo ang husband ko nga si Dado...!"

"Hmm, mao nay giingon nga lami gyud ang laing putahe sa romansa, Jos! Mao nga nakasala gyud ta sa usa’g-usa....!"

"Ay sus, mao ra gud unta nga kainita! Naanod lang gyud tas tentasyon, Ed!"

Nagyangoyango si Eddie nga nagtakilid og higda ibabaw sa kama nga nagpaatubang kang Josie. Parehas gihapon nga hubo ang ilang mga lawas. Parehas nga mga call center agent silang duha si Eddie ug Josie sa siyudad. Managsama nga call center ang ilang gitrabahoan. Parehas usab nga mga minyo na silang duha nga may tagduha na ka mga anak, gikan sa ilang asawa ug bana. Tungod kay managkauban og trabaho sa usa ka call center ug parehas ang oras sa pag-duty ug pag-off duty matag gabii, nagkasuod silang duha nga misangko sa pagsinabtanay ug sa ilang ginadiling relasyon. Ang asawa ni Eddie nga si Jinky, usa ka maestra, samtang ang bana ni Josie nga si Dado, usa ka architect.

"Ed, ania na kita sa pagsaulog sa mga adlaw sa Semana Santa! Kinahanglan nga putlon nato kining ginadili tang relasyon. Karon mao ang katapusan tang pagpakasala...!"

"Mag-agad ra ko nimo, Jos! Aw, makaya man kaha nimo...!" "Angay na gyud tang magbag-o, Ed...!"

"Sugot ko! Pero tagbawon una nato ang atong kaugalingon karong gabhiona. Dayon, kinasingkasing nga mangayo ta'g pasaylo sa Ginoo, Jos....!" "Mas maayo, Ed! Dungan tang mangayo og pasaylo sa Ginoo sa atong mga sala nunot ang saad nga magbag-o na...!" "Pasayloa kami, Ginoo...!" nagdungan og sulti sila si Eddie ug Josie sa kinasingkasing. "Isaad namong dili na gayud magpakasala pa, Ginoo, gikan  karon ug hangtod na sa kahangtoran...!"  (Kataposan)

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with