Ang gugma ni Miraluna mangtas
Sugilanon - Carmelo D. Lariosa (Banat) - January 30, 2016 - 9:00am

Matag tikyop gyud sa kilomkilom manaog dayon si Miraluna sa ilang balay. Ang iyang bana nga si Teban tua  pa sa trabahoan niini ug alas diyes pa kadto mopauli. Ug ning maong higayon magkita na pud sila ni Anton, ang bana ni Sedeng nga mamuhatay og cake.

"Miraluna, gimingaw na ko nimo," ni Anton pa nga migakos kang Miraluna. Miutnga si Miraluna dihang gihinay na pagtangtang ni Anton ang iyang bra. Ug unya gisugdan nila ang labing makatagbaw nga panagtagbo nila dinhi sa bayabasan.

"Dili ni maayo ang atong gibuhat. Unod lang, pagtagbaw lang sa unod ang atong gibuhat, di ba? Ug human unya ini, wala na. Kining, Anton kun mahimo lang, ato nang putlon ning atong relasyon. Magkalimtanay na lang ta, tungod ug alang sa atong mga kapikas. Ikaw dunay asawa ug ako pud dunay bana, busa, dili na nato kini ipadayon. Kutob na lang karong gabhiona ang atong panagtagbo dinhi sa ilawom sa bayabasan ug kun gusto ka tagbawa og maayo ang akong lawas." Mihayang si Miraluna. Mibangon ug nagsul-ob sa iyang sinina.

"Alas nuybe na, hapit na ron moabot ang akong bana. Adto na ko," hinay ang tingog ni Miraluna nga ingon sa gibati pud og kalalim sa ilang gibuhat dinhi sa ilawom sa bayabasan nilang Seray-Makoy. Wala dangtig dugay dihay tingog sa wakwak. Isog kaayo ang tingog nga nagkaanam kaduol kanilang duha. Ug dinhi ingon sa gibati'g kahadlok si Miraluna.

"Huh, si...si Teban, siya ron ug nahibawo siya sa atong gibuhat..." ug midalig biya si Miraluna, apan kalit lang midayib si Teban nga usa na ka mangtas nga wakwak. Gipaak ug gikuniskunis ni Teban si Anton hangtod nga namatay. Si Miraluna, midagan ug dayon nahimong usa ka mangtas nga wakwak. Milupad siya. Naghilak.

 "Ikaw ang sunod kong patyon, Miraluna, mabudhion ka! Wakkk!" Ug nagbugno dayon ang duha ka mangtas nga magtiayon. Ug hangtod na pagka kaadlawon nagbugno lang gihapon ang duha ka ungo. (Kataposan)

 

 

ADTO ANG ANTON ATONG IKAW LANG MIRALUNA NGA QUOT SI MIRALUNA TEBAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with