^

Naghilak si Victoria sa Pasko

Sugilanon - Tomas Degum (Banat) - December 11, 2015 - 9:00am

Pasko na ug sama sa naandan paaboton gyod ni Victoria ang iyang bana nga si Raffy. Tingali, mga tulo na ka Pasko ang nanglabay nga wala siya mahinumdom nga si Raffy miuban kaniya sa Noche Buena.

Kanunay gyong naa si Raffy sa panahon nga mangaon na sila sa mga lamiang pagkaon diha sa lamesa nga iyang gipreparar alang sa iyang bana ug mga anak.

Apan karon wala si Raffy, wala kini mopauli ug dunay tabitabi nga duna na kuno kini gikapuyo didto sa Manila.                         Usa kuno ka batan-on nga babaye. Pastilan, unsa bay nakuwang niya ngadto sa iyang bana. Kun ang katahom maoy hisgotan, matahom siya. Guwapa si Victoria kay kaliwat og Katsila. Guwapo ug guwapa ang iyang mama ug papa. Apan ning ulahing mga adlaw ingon sa gihasol siya sa iyang hunahuna labi na sa nahitabo karon ni Raffy nga dili na tingali mopauli kuyog kanila sa iyang mga anak.

Kahilakon si Victoria.

"Ma, ayaw na lang og hunahunaa si Papa, uy. Kita na lang gud ang magsawo sa  pagpangaon. Naa bitaw ang akong upat  ka mga manghod", maymay ni Nenita, ang kamaguwangan niyang anak. Dalaga na si Nenita apan wala pay hinigugma, kay buot una kining muhuman pag-eskuyla.

Unya, "Merry Christmas tagbalay!!!" Midalig dungaw si Victoria kuyog kang Nenita ug maoy ilang nakita si Raffy nga nagkadipodipo sa dala sa pinutos nga pinaskohan.

"Ma, si papa Raffy, yehee, kompleto na gyud ta!!! Misinggit si Nenita sa kalipay.   Ug mipasabot si Raffy ngadtong Victoria nga wala siya'y kabit ug  ang giingon nga batan-ong babaye nga gikaipon niya didto sa Manila iya diay’ng  manghod nga babaye nga iyang gigastohan sa pag-eskuyla.

"Raffy, kakita ka sa akong mga luha, luha ni sa kalipay kay nia ka kuyog sa atong mga anak. Ug sila usab nalipay pag-ayo, Merry Christmas, Raffy" hagawhaw niya. Ug mipahiyom si Raffy.  (Kataposan)

 

ANG APAN IYANG MERRY CHRISTMAS MGA NBSP NENITA NGA NOCHE BUENA PASKO RAFFY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with