Ang kalag ni Tangkag
Sugilanon - Jethro Barita Ochea (Banat) - November 1, 2015 - 9:00am

Nahipugwat si Cora. Mitimbakuwas siya sa pagbangon gikan sa kama ning mao nga kaadlawon. Kalit lang nga nisulod si Tangkag ug mitupad paglingkod kaniya sa ngilit sa kama. Nahatutok si Cora sa polis niyang bana.

“Kag, nganong nibalik ka? Alas-4 sa kadlawon kang milakaw kay matud mo moreport ka’s inyong opisina kay sayo mo nga mag-roving sa mga menteryo ning unang adlaw sa kalagkalag?” matud ni Cora.

“Mao gyud, Cor! Dili lang roving sa mga menteryo, nagresponde sab mi sa mga drug pusher nga nagpalusot og shabu ning adlaw sa kalagkalag...!”

“Nya, alas-5 pa man nganong nibalik man ka’s balay?” sukit-sukit sa asawa sa iyang bana nga polis. “Ambot nga gimingaw man ko nimo, uy, Cor! Gibiyaan ko sila’s Supt. Barita! Midalikyat ko’g pauli, labi na nga paggikan ko ganihang alas-4 sa kadlawon nawalis ang sidsid sa imong sayal ug migimaw ang puti ug bugol mo nga mga paa...!”

“Ay, sus, nimo, Kag, uy! Nagbilaryo baya ka kagabii! Grabe! First time nga gipaisan ko nimo’s romansa ibabaw sa kama kagabii sa tulo ka rawon...!”

“Gusto man gud nako nga magkaanak gyud ta, Cor! Mao nga midalikyat ko’g pauli ning orasa sa kadlawon kay miabot gyud ang gana ko nimo nga moromansa na sab...!”

Bag-ong minyo sila si Cora ug Tangkag nga katalirungan sa edad nga 27. Maestra si Cora sa publikong elementaryang eskuylahan sa siyudad ug usa ka pulis si Tangkag nga nagranggo na og SPO4.

Sa tinud-anay lang, Eddie ang tinuod nga ngalan ni Tangkag. Apan nadala ang angga niya nga Tangkag tungod kay tangkag man ang pikas niyang dunggan. Hinuon, guwapo ug macho nga pagkapolis si Tangkag nga maoy nakakahir sa himiliang kasingkasing ni Cora sa gugma.

Human maromansa si Cora sa iyang bana, nananghid na usab kini nga mobalik sa pag-duty. Apan hilabihan nga kahikurat ni Cora dihang mikiring ang ilang telepono niadtong orasa sa alas-5 sa kadlawon.

Nanawag kaniya si Supt. Barita! Napusilan kuno si Tangkag sa usa sa mga drug pusher nga ilang gironda kaganihang alas-4 sa kadlawon ug namatay.

“P-patay si Tangkag pagka-alas-4 sa kadlawon? Diri pa man gani to karon mga alas singko?” matud ni Cora mihilak ug nga daw dili makatuo sa panghitabo atol sa unang adlaw sa kalag-kalag. (Kataposan)

ACIRC ALAS AMBOT ANG APAN BARITA CORA DILI KAG NGA TANGKAG
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with