^

Banat Kalingawan

Nagpakita si San Pedro Calungsod

Sugilanon - Samuel Petallar Agbo - Banat

Patay na ang inahan nila ni Marino ug Selya nga si Adora kay naaksidente ang iyang gisakyan.

Ang nagbuhi ni Selya mao si Marino, nga iyang maguwang pinaagi sa pagpamasura. Wala g’yud sila makakita sa ilang amahan kay matapobre man ang ginikanan niini.

Apan sa wala damha, nasakit si Selya og dengue mao nga nagpatabang unta si Marino sa iyang silingan nga mohulam og kwarta. Pero wala gyu’y naluoy. Daot na si Selya.

Pagkahapon, namasura si Marino pamasin nga makapalit og pagkaon ug tambal. Gisuwerte si Marino kay dako siya’g halin. Dali nga nipauli si Marino aron dad-on sa tambalanan si Selya.

Apan sa paghitangka niya sa pultahan sa ilang pinuy-anan, patay na si Selya. Pipila ka oras ang nilabay niabot ang hinabang sa iyang silingan. Pero awahi na ang tanan.

Pila’y estorya, untop alas 3:00 sa hapon, didto na sa menteryo si Marino aron paglubong sa iyang manghod. Ningaab sa paghilak si Marino.

“Selya, ngano’ng gibiyaan man ko ninyo ni mama Adora...?”

Unya namauli na ang mga tawo sa menteryo ug si Marino na lang usa. Takulahaw lang nibunok ang kusog nga uwan. Sa kalit lang may nipikpik sa abaga ni Marino. Usa ka ambongan nga lalaki nga wala mahumod sa uwan.

“Marino, ayaw kaguol ug dawata ang kamatuoran kay kita’ng tanan padulong gayud sa lubnganan. Tuod, nakakita ka ba nianang kapilya atubangan sa dako’ng nitso? Adunay tawo nga nagpaabot kanimo!,” matud sa tawo.

Giadto ni Marino ang giingon sa tawo. Apan sa paglingi niya pagbalik nahanaw sa iyang panan-aw ang ambongan nga lalaki. Ug sa didto na si Marino sa kapilya, may nagpaabot nga usa ka tawo nga nagsul-ob og sapot sa doktor. Nakig-estorya kang Marino.

“Marino, ako ang imong amahan nga si Baring. Usa ako ka doktor ug nagtrabaho sa Canada. Nagbasol na ang akong mga ginikanan sa ilang pagka matapobre ug natultulan g’yud nako ang inyong nahimutangan. Nakahukom ako surpresahan ka,” matud sa amahan ni Marino.

“Papa Baring, gimahal ko ikaw!”

Sa tanto nga paghinangpanay sa amahan ug anak napasiga ang mga mata ni Marino pagkakita niya sa rebulto nga susama’g dagway sa ambongang tawo nga iyang nakita kaganina.

“Marino, ngano nga puwerte man nga nakatutok nimo niana’ng rebulto?” matud ni Baring. “Pa, dili mahitabo nga masipyat ko, siya ang nagpakita nako kaganina!,” ni Marino pa.

“Marino, ang rebulto nga imong gitutokan pag-ayo, mao kana si San Pedro Calungsod!” (Katapusan)

ACIRC

ADORA

ANG

APAN

IYANG

MARINO

NGA

PAPA BARING

PERO

SAN PEDRO CALUNGSOD

SELYA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with