Kabug-at sa galamhan

Sugilanon - Atty. Conchito E. Germino (Banat) - March 20, 2015 - 12:00am

Si Capt. Andy Ubod usa ka kapitan sa barko nga tigbiyahean sa gawas sa nasud. Apan dugay na siyang wa kabiyahe. Tungod sa mga kaso nga iyang giatubang. Dunay adunahan nga negosyante nga nanginteres sa iyang yuta nga sikbit og dagat.

Nindot man gud himoon nga beach resort iyang yuta. Labi na nga ang negosyante nga si Roger Supa nakapanag-iya na og luna sikbit sa yuta ni Andy dapit sa amihan. Modus ni Roger nga mamalit og yuta unya magpa-survey aron lapasan ang mga kasikbit.

Unang kaso nga napasaka ni Roger kang Andy, “Altering boundaries and landmarks”, usa ka kasong criminal. Kay nananom og mohon si Roger sa yuta ni Andy ug gipangubit ni Andy. Sunod nga kaso batok ni Andy, “Malicious mischief” kay gipangguba ni Andy ang mga koral nga gitukod ni Roger libut sa yuta ni Andy.

Gitikad na lang niya iyang mga yuta aron may kabuhian. Namuhi sab siya’g mga hayopan kay wa na man siya kapanarbaho. Maayo gani kay ang iyang kapikas nga si Cristita usa ka magtutudlo sa saring publiko, may kita nga segurado saparsapar sa ilang mga panginahanglan.

Nagmugna sab og mga papeles si Roger ug giangkon ang tibook yuta sa baybayon, ni Andy. Nipasaka si Roger og kaso sibil nga giulohan og “Quiting of title”. Ang tinguha sa kaso nga si Roger ang mapalutaw nga tag-iya sa yuta ug ang mga papeles ni Andy ang makanselar.

Nagsugo sab si Roger og mga tawo nga mamutol og mga kahoy unya gipasangil ngadto ni Andy. Nag-atubang na sab si Andy og kasong Illegal Cutting of trees.

Nilanat og sobra bayente ka tuig ang mga kaso. Napildi si Roger sa tanang kaso. Ang quieting of title niabot sa Supreme Court apan pildi gihapon si Roger. Dako kaayo og nagasto si Andy  sa upat ka kaso. Maong nagdumot siya pag-ayo ni Roger.

Gusto niyang pasakahan og kasong Damages si Roger bale’g trayenta milyones ka pesos. Tiguwang na sila’s Andy ug Cristita. Gani masakiton na sab si Roger. Nangunsulta sila’s ilang abogado nga si Atty. Quintin Tungog nga natiguwang na sab paglinaban nila.

“Kanang 30 milyones nga danyos, sa filing fee lang daan, duol million inyong mabayad. Molanat na sab na’g laing 20 ka tuig. Tiguwang na mo. Himatyon na inyong ikiha. Ang maayo ana, pasayloon na lang ninyo si Roger. Sa pagpasaylo, mahanaw ra ang gibati ninyong kabug-at sa galamhan” ni Quintin. “Salamat attorney. Talagsaon gyud ka nga pagkaabogado,” ni Cristita. Nitulo ang luha sa kalipay ug kahimuot. Kay dugay na siyang gustong mosulti sa iyang bana ana. (Kataposan)

ANDY ANDY UBOD CRISTITA ILLEGAL CUTTING KASO ROGER YUTA
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with