^

Secret Admirer

WILD ORCHIDS - Cindy Jones (Banat) - October 3, 2014 - 12:00am

Nakita ni Carolyn nga kadto’ng lalaki nga mitimbaya kaniya misakay og taxi kilid sa Basilica del Santo Niño. Nakahuna-huna si Carolyn nga balikon niya ang guwardiya nga nagbantay sa entrance sa Gorones Building aron pangutan-on kinsa kadtong lalaki’ng iyang gikasugat.

Pagpangutana ni Carolyn sa guwardiya, nakapahiyom ang security guard ug mitug-an nga ang maong tawo nangutana usab kaniya mahitungod ni Carolyn diha nga bag-o pa ang dalaga nga nagtrabaho sa bopete sa ikaduha’ng andana.

“Si Atty. Razon kadto siya ma’am Carolyn. Naa sa third floor ang ilang bopete,” matud sa guwardiya.  Wala gayud masayop si Carolyn nga kadto’ng mao nga tawo maoy kanunay nga molibre kaniya sa paniudto.

Apil si Atty. Razon niadto’ng mga tawo nga nangaon sa kaubanan niini nga mga abogado sa pikas lamesa sa IBP canteen ug maoy milibre na usab sa iyang giorder kaganina.

Bana-bana ni Carolyn nga dili maglagyo ang  ilang pangedaron ni Atty. Razon. Mao diay nga gisangpit niini ang iyang ngalan diha nga nagkadungan sila sa hagdan kaganina apan wala niya kini tubayi diha’ng gisukna kun mopauli na ba siya.

 Pagkaugma, sayo nga mikaon si Carolyn didto sa suki niya nga kan-anan matag udto. Nalipay siya nga wala pay laing tawo kay likayan niya nga bayaran na usab ni Atty. Razon ang iyang order.

Gusto gani siya nga ang abogado na usab maoy iyang librehan isip bugti sa iyang kaayo. Milingkod si Carolyn didto sa daplin aron nga dili dayon siya makita sa mga tawo nga mosulod.

Mihigop pag-ayo si Carolyn sa utan nga gitunoan. Human siya makahigop og pipila ka kutsara nga sabaw sa utan, nakabantay siya nga may miduol kaniya. “Sayo ka diay nga mikaon karon Lyn?” matud sa lalaki.

Napasiga ang mga mata ni Carolyn kay si Atty. Razon ang nakita niya diha sa iyang atubangan. (Sumpayan)

 

APIL CAROLYN GORONES BUILDING IYANG RAZON SANTO NI SI ATTY SIYA
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with