Mga department head giawhag nga makig-alayon sa overseer

CEBU, Philippines — Si Cebu City Acting Mayor Raymond Alvin Garcia niawhag sa mga pangulo sa departamento ug uban pa nga mga opisina nga mokonsulta og makig-alayon sa mga konsehal sa Siyudad sa Sugbo nga gitudlo niya nga overseer sa pipila ka mga buhatan sa kagamhanan sa siyudad.

Si Garcia niluwat sa maogn awhag atol sa ilang meeting uban sa department heads niadtong Lunes human sa flag-raising ceremony ug gipahibalo niini ang mga konsehal kong asa sila nga buhatan magsilbing bantay.

Matud ni Garcia nga pipila sa mga konsehal ang niduol kaniya ug nipadayag nga gustong motabang sa pagbantay sa pipila ka mga departmento sa city hall ug giklaro niini nga wala nagpasabot nga magbuot ang mga konsehal sa ilang desisyon tungod kay igo ra sila nga morekomendar ug mohatag sa ilang mga panahom ug ang mayor gihapon ang mohatag sa final nga desisyon.

Pipila sa mga konsehal nga magbalantay mao sila si Joel Garganera sa Cebu City Risk Reduction and Management Office, Noel Wenceslao sa City Assessors Office, Francis Esparis sa Department of Social Welfare and Services, ug Konsehal Jerry Guardo sa Department of Engineering and Public Works.

Gitinguha usab sa acting mayor nga hatagan ug buhatan si Konsehal Philipp Zafra og iyahang tahas.

Nasayran nga gusto ni Garcia nga matabangan aron mahatagan og maayong pagtagad ang maong mga buhatan alang sa pagserbisyo ngadto sa katawhan. — BDB BANAT NEWS