Nasunogan sa Basak gihatagan og hinabang
CEBU, Philippines — Gibisita ni Mandaue City Mayor Jonas Cortes ang mga biktima sa sunog sa Barangay Basak nga temporaryo karong gipahiluna sa Basak Elementary School Gym.
Sa mao niyang pagbisita kauban sa mga personnel sa City Social Welfare and Services Office (CSWSO) ilang gitunol ang mga hinabang nga naglakip sa disaster kits aron magamit sa mga nasunogan.
Ang disaster kits adunay sulod nga habol, banig, undergarments, hygiene kit, t-shirts, shorts ug mga nag-unang panginahanglan sama sa tubig ug pagkaon.
Gimandoan ni Cortes ang CSWS sa pagproseso sa mga gikinahanglan nga rekisito alang sa paghatag og dugang pa nga tabang sa mga nasunogan sama sa financial assistance.
Sa taho CSWS nga ang 400 ka mga molopyo sa maong dapit ang nawad-an karon sa ilang panimalay human sa maong sunog nga nahitabo.-- IBM BANAT NEWS
- Latest