637 nadakpan sa PRO-7
CEBU, Philippines — Nagpahigayon ang Police Regional Office (PRO)-7 og intensified police operations gikan sa Pebrero 27 hangtod sa petsa 29 sa samang buwan tuig 2024 nga miresulta sa pagdakop sa 637 ka mga nakalapas sa balaod ug pagkompiskar og dul-an 6.3 kilong illegal nga drugas lukop rehiyon.
Nagkanayon si PRO-7 Regional Director Brigadier General Anthony Aberin 6,282.72 gramong mobalor og P42.7 milyones ang ilegal nga drugas nga nasakmit gikan sa 158 ka mga drug personalities nga ilang nadakpan.
Nakakompiskar sab ang 205 ka ampules sa nubain nga nagkantidad og P41,000.
Ang Nubain usa ka controlled drug dili kini basta lang ihatag sa mga pasyente kun walay permiso gikan sa Philippine Drug Enforcement Agency ug kontrolado ang paggamit niini.
Si kanhi Dangerous Drugs Board Undersecretary anhing Atty. Clarence Paul Oamina niadtong Enero 2011 mikonsiderar sa maong medisina nga peligro kun abusaron paggamit kay makamatay kini.
Samtang 200 sab nga adunay warrants of arrest, apil na ang 18 ka wanted persons ang ilang nadakpan.
Sa kampanya batok loose firearms, 161ka dili rehistradong armas gikan sa 38 ka mga tawong ilang nadakpan ang nakompiskar.
Sa illegal gambling operation, 241 ka mga sugarol ang ilang nadakpan ug P20,103 nga pusta ang nakompiskar.
Ang mga nadakpan gikatakda nga pasakaan og tukmang kaso samtang ang mga ebidenisya nga nakuha gisumetir na sa Regional Forensic Unit-7 alang sa eksaminasyon.
"Our holistic approach in addressing the criminality in Central Visayas remains very effective in partnership with the community as emphasized in the template of the BIDA Program of SILG Atty. Benjamin Abalos Jr. and the 5-Focused Agenda of the PNP,” sigon ni Aberin.
Gidayeg sab sa opisyal ang mga operatiba sa malampuson nga pagpatuman sa police operations. (BANAT NEWS)
- Latest
