Dugang kalamboan  masinate sa Isla sa Olango

CEBU, Philippines — Gipaabot nga dugang kalambuan ang matagamtaman sa Isla sa Olango sakop sa Dakbayan sa Lapu-Lapu human sa sunod-sunod nga mga infrastructure projects nga gitukod sa isla.

Matud pa ni Lapu-Lapu City Mayor Junard Chan nga usa sa proyekto nga mapahimuslan sa katawhan mao ang multi-purpose building sa Olango nga gitagan-an og pundo ni Kongresista Cindi King Chan.

Dugang pa sa mayor, daghan pa usab mga programa para sa katawhan ang ilang mga nahimo.

Apil na ang daghan nga mga proyekto nga ibubo sa Isla sa Olango tungod kay dili siya gusto nga mabiyaan kini sa kalambuan sa mainland.

Gipahibalo usab sa mayor nga 24 oras nang matagamtaman ang kuryente ug aduna usab silay sam-ang nga para sa tanan lakip ang pagpaayo sa mga kadalanan.

Makahimo na usab sa paugnat sa kusog ang katawhan human adunay mga gym nga gipabarog sa kabarangayan.

Ang mayor nipadayag nga tanan nga mga proyekto ug kalambuan sa dakbayan napatuman tungod sa pagtambayayong nila ni kongresista Cindi Chan. (BANAT NEWS)