Kapolisan sa Talisay nilibot sa Barangay Tanke
CEBU, Philippines — Gilibot sa kapolisan sa Dakbayan sa Talisay ang nagkadaiyang sitio sa Barangay Tanke sa niaging adlaw.
Kini aron mahimamat ug mahatagan og kaalam sa pamalaod ug paglingaw ang mga molupyo sa lugar.
Si Police Lieutenant Colonel Wayne Magbanua, hepe sa kapolisan sa siyudad maoy nangulo sa kalihokan.
Ang mga kabataan ug kababayen-an ang ilang gilingaw ug gi-edukar sa angay nga buhaton nga dili malambigit sa ilegal nga binuhatan.
Ang kapolisan nagpahigayong usab og feeding program ug cleanup drive sa kabaybayonan sa lugar.
Ang kapolisan giubanan kini sa mga mananagat nga ilang kaalyado sa pagpatunhay sa kahapsay ug kalinaw.
Si Magbanua nagkanayon nga katuyoan sa kalihokan mao ang pag-umol og relasyon sa katawhan sa Barangay Tanke nga mao usab ang lugar nga nag-una sa gipahigayonan og anti-drug operation. BDB BANAT NEWS
- Latest
