Amnestiya sa na impound nga mga sakyanan ipatuman sa Mandaue
CEBU, Philippines — Gitinguha karon sa Traffic Enforcement Agency of Mandaue (TEAM) ang pagpaluag sa naghuot nga mga sakyanan nga nasulod sa ilang impounding area.
Si Hyll Retuya, ang pangu sa TEAM miingon nga una nilang nadesisyonan ang pagsubasta sa mga sakyanan apan wala kini mahinayon. Gumikan niini nagplano karon ang kagamhanan sa dakbayan sa paghatag og laing higayon aron pagpakunhod sa bayranan sa na-impound nga mga sakyanan.
Suma pa ni Retuya nga himoon kini aron maaghat ang mga tag-iya sa mga sakyanan sa pagkuha niini.
Sa nasayran niadtong miaging tuig ang kagamhanan sa siyudad sa Mandaue nakahatag na og amnestiya sa balayranan sa na-impound nga mga sakyanan pinaagi sa pagpakunhod sa matag adlaw nga bayranan sa impounding.
Kadaghanan sa na-impound mao ang mga motorsiklo nga taud taud na nga wa makuha nga maoy hinungdan sa pagkaguba na sa pipila niini. (BANAT NEWS)
- Latest
