^

Banat Balita

Paghulma og job-ready graduates gipangusgan

Banat

CEBU, Philippines — Aron pag-andam sa mga tinun-ang gradwado sa senior high school, ang duha ka lokal nga tunghaan sa Compostela nga Saint James Academy of Skills Technology, Inc. ug Saint James Technical Skilles College, Inc.  nipirma og kasabotan tali sa usa ka lokal kompanya nga nagbaligya og mga sakyanan sa Daewoo gikan sa South Korea.

Ang kasabotan gipirmahan tali nilang Saint James Academy President Brian Yuson ug ni Tiger Car Surplus Trading-Daewoo Trucks President Roger Crisologo. Gisaksihan kini sa mga opisyales sa maong tunghaan ug representante sab sa Daewoo nga silang Seo Myeong Jin ug Park Jung Seo.

Ang kasabotan sa duha maghatag og kahigayonan sa mga senior high school graduates sa maong tunghaan nga makasugod dayon sa ilang on-the-job training (OJT) diha sa maong kompanya aron mahashas og maayo ang ilang nakat-onan sa eskuylahan.

Sa pakighinabi sa Banat News, si Yuson miingon nga motabang kanila ang maong kompanya sa ilang panginahanglan og mga ekipo ug makinarya para sa mga tinun-an aron kun mag-OJT na ang mga tinun-an o ba kaha motrabaho dili na lisod para nila ang tahas.

“Yes naa sad sila i-provide nga mga equipment para ug unsa ang ila hikapon nga equipment same sad sa atong training equipment para ang resulta plug and play nalang,” matud pang Yuson.

Hinuon si Yuson miingon nga wala pa siya makadungog sa ilang mga graduates nga naglisod pagpangita og kompanya aron didto mag OJT tungod sa kalidad sa training nga gitudlo diha sa ilang mga tunghaan.

Malaumon si Yuson nga pinaagi niining kasabotan, makatabang ang tunghaan sa panginahanglan og mga empleyado sa Daewoo didto sa South Korea ug bisan sa mga lokal nga mga kompanya sa mga sakyanan dinhi sa nasud.

Sa nanglabay nga mga buwan, dunay mga pagsaway nga gibato batok sa K to 12 educational system sa nasud gumikan sa pasangil nga dili “job-ready” ang mga senior high school graduates mao nga daghan kanila ang dili madawat kun mangempleyo.

Si Yuson miingon nga kaning ilang MOA maisip kini nga usa sa mga solusyon niana nga problema.

“Ma consider sad ni  nga solusyon kay aron makita usab sa taga DepEd nga need ta mo connect sa mga industry para ma-align ang ubang  curriculum or bridging the gap ug unsay ilang job description mao usab atong sundon ug naa may kulang atong pun-an,” pagpasabot pang Yuson.

Ang Saint James Academy of Skills Technology, Inc. usa ka technical vocational education training ubos sa TESDA samtang Saint James Technical Skills College, Inc.  nagtudlo og technical vocational livelihood strand ubos sab kini sa DepEd.—IBM (BANAT NEWS)

vuukle comment

JOB

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with