CPPO wa pa gihapoy director
CEBU, Philippines — Kasamtangan nga wala’y Provincial Director ang Cebu Police Provincial Office (CPPO) human nga nadawat na ni PNP Chief Benjamin Acorda Jr., ang courtesy resignation sa 18 ka mga PNP officials diin apil niini si Police Colonel Rommel Ochave, ang Provincial Director sa CPPO.
Sa pagkakaron ang Deputy Provincial Director for Administration Police Lt. Col. Tomas Santander maoy gitahasan isip Officer-In-Charge sa CPPO sanglit matod ni Police Lt. Col. Gerard Ace Pelare, tigpamaba sa PRO-7 nga kun basehan ang pamahayag sa PNP Chief, resigned na ang maong 18 ka mga opisyal sa PNP ug duna nay kamanduan nga gipagawas.
Gitataw hinoon ni Pelare nga dili madugay duna unya’y kamanduan kun kinsa ang ibutang sa CPPO.
“We will just wait for orders, of course, naa man ni process nga pagahimoon to determine kinsay mosunod nga Provincial Director,” ni Pelare pa.
Gipasalig ni PRO-7 Regional Director Brigadier General Anthony Aberin sa publiko nga magpabilin nga maghatag og serbisyo ang kapulisan sa CPPO bisan wala na si Ochave. IBM (BANATNEWS)
- Latest
