Dul-an sa 200 ka ilegalista ang nasikop atol sa mga operasyon sa CPPO
CEBU, Philippines — Gikan sa Mayo 29 hangtud sa Hunyo 4, 2023 daghan og nahimong accomplishments ang Cebu Police Provincial Office ilabi na sa ilang kampaniya batok illegal drugs, loose firearms, wanted persons ug illegal gambling.
Ang kapolisan sa Probinsiya sa Sugbo nakapahigayon og 34 ka operasyon batok sa illegal drugs diin 37 ka tawo ang nadakpan ug 66.65 gramos nga shabu nga nibalor ngadto sa P453 mil ang nasakmit.
Samtang sa illegal gambling, ang kapolisan nakapahigayon og 30 ka operasyon diin 48 ka indibidwal ang nasikop ug niabot ngadto sa P8,000 nga pusta ang nakuha.
Kabahin sa loose firearms, ang CPPO nakapahigayon og 60 ka operasyon diin siyam ka tawo ang nadakpan.
Sa paggukod sa mga pinangita sa balaod 47 ka tawo ang ilang nadakpan diin siyam niini most wanted person ug usa ang adunay reward ug 37 ang other wanted persons. — BDB (BANATNEWS)
- Latest
