Simbahan nga milapas sa luna sa kapitolyo dili pabayron

CEBU, Philippines —  Wala giapil sa Kapitolyo ang usa ka simbahan sa pagpabayad og renta sa paglapas niini sa luna nga giangkon sa Probinsya sa Sugbo diha sa Osmena boulevard.

Ang Economic Enterprise Council (EEC) ni-approve sa hangyo sa Cebu Gospel Church (CGC) nga dili sila iapil sa maong bayranan ngadto sa Probinsya sa Sugbo hilabina nga usa kini ka non-profit organization.

Ang CGC nga usa ka Filipino-Chinese Church apil sa mga establisamento nga giingong nakalapas sa luna nga giangkon sa Kapitolyo sa Sugbo.

Sumala sa Capitol Information Office, ang pag aprobar sa Kapitolyo sa maong request pagpakita kini og suporta ni gobernador Gwendolyn Garcia sa church community sa Sugbo.

Apan matud pa kinahanglan gihapon nga gub-on sa simbahan ang pipila ka bahin sa ilang estruktura nga nilapas sa luna nga iya sa Probinsya.

Sa nasayran ang Kapitolyo midemanda og bayad gikan sa mga establisamento nga nakalapas sa giangkon nga luna diha sa Osmeña Boulevard. – MEL (BANATNEWS)