Gullas mosuporta sa naglingkod nga kapitan sa barangay elections
CEBU, Philippines — Gipadayag ni Talisay City mayor Gerald Anthony “Samsam” Gullas ang iyang baruganan kabahin sa suportahan nga kandidato sa pagka barangay kapitan sa umaabot nga barangay elections karong buwan sa Oktubre ning tuiga.
Kini nonot sa mga hungihong kabahin sa suportahan sa grupong Alayon sa umaabot nga piniliay.
Suma pa sa mayor nga ang iyang suporta adto gyud sa kasamtangan nga naglingkod nga kapitan. “Equity of the incumbent ang stand sa Alayon sa barangay election,” matud pa ni Gullas.
Una niini mitumaw ang tahu nga sa 22 ka barangay sa Talisay unom ang gihusay sa Alayon kun kinsa ang suportahan nga modagan pagka kapitan.
Ang unom ka barangay mao ang Tanke, Cansojong, Dumlog, San Isidro, Mohon ug Linao.
Sa pagkakaron, hinay-hinay na sa pag gawas ang mga pangalan sa mga gusto nga mokandidato ilabi na diha sa social media.
Ang piniliay sa barangay ug Sangguniang Kabataan (SK) gikatakda karong buwan sa Oktubre ug ang pagduso sa ilang certificate of candidacy karong buwan sa Hulyo. /MEL (BANAT NEWS)
- Latest
