DOTr misugyot pagtukod og bike counting system
CEBU, Philippines — Ang Department of Transportation (DOTr) nisugyot og pakigtambayayong sa City Government alang sa pagtukod og bike counting system.
Gipresentar sa DOTr ang ideya atol sa virtual nga panagtigom kauban ang mga kawani niini ug representante sa City Planning Development Office.
Si Fe Isabel Adarne, environmental planner sa DOTr, nibutyag nga ang ahensya nigahin og P2 bilyones alang sa paghimo og pagpaayo sa kasamtangang bike lane system sa nasod.
Ubos niini nga proyekto mao ang pagtukod sa usa ka bike counting system.
Ang sistema sa pag-ihap sa bisikleta makatabang sa pagpauswag sa programa sa commuter nga "Biking to Work" sa DOTr samtang nagplano kini nga magtukod og dugang bike lanes sa nagkadaiyang dapit karong 2023 ug pipila niini naglangkob sa Manila ,Cebu ug Davao.
Tipik sa MOA, ang DOTr motagana og bahin sa pundo niini ngadto sa siyudad aron pagpalit og automated bike counting system.
Pinaagi sa bike counting system, ang DOTr makatabang sa paghimo og mas luwas nga pagbisikleta sa mga commuters. —/MEL (BANAT NEWS)
- Latest
