^

Banat Balita

Graduation rites sa public schools gitugot na

Caecent No-ot Magsumbol - Banat

CEBU, Philippines — Gisugyot ni Department of Education-VII Regional Director Salustiano Jimenez nga himoon sa matag level ang graduation rites o end-of-school year rites sa mga tinun-an sa publikong tunghaan nga dunay dakung populasyon aron makapadayon na kini sa pisikal nga graduation.

Gitug-an ni Gimenez nga mihatag na siya og pagtugot sa mga superintendents nga aprobahan ang graduation sa public schools.

Una niini si Cebu City Schools Superintendent Dr. Rhea Mar Angtud mipadayag nga usa ka dakung hagit alang sa mga public schools ang pagpahigayon sa end of school year rites gumikan kay pabiling gilakip sa DepEd guidelines ang physical distancing.

Suma pa ni Gimenez nga kun gitugot ang mga dakung rallies ubos sa alert level 1 and 2 areas, way rason nga dili itugot ang pisikal nga graduation.

Base sa mga obserbasyon ang mga tinun-an dili magkiat panahon sa ilang moving up exercises ingon man sa graduation.

“Mubehave ra man gyud ang mga bata, dili man na kaayo mukiat ang mga bata pormal man na…mahadlok. So para nko dili kaayo problema na,” said Gimenez.

Gisugyot usab ni Jimenez nga ilahi ang moving up ceremonies ug ang graduation.

Ang mga School officials mahimong mangita og haum nga venue alang sa kalihukan ilabi na kadtong dunay sakto nga air ventilation.

“Ang Abellana, for example, they have the biggest population, pwede mag anha sa oval (Cebu City Sports Center)…Daghang paamaagi still we can do a physical graduation without compromising the minimum public health protocols set by the DOH and DepEd,” suma pa ni Gimenez.

Samtang ang pipila ka pribadong tunghaan sa siyudad sa Sugbo ug ubang urban areas dinhi sa Central Visayas ang gihatagan na og go signal ug nakapahigayon na sa physical end-of-school-year rites apil na ang recognition, moving up exercises ingon man graduation.

Lakip sa mga gikinahanglan aron kini mauyonan mao ang certification diin nagmatuod nga ang tunghaan nakatuman sa protocols nga gitakda sa Department of Health ug sa Inter-Agency Task Force for the Management of Emerging infectious Diseases.

apil na usab niini ang pagtugot sa local government unit ug sa mga ginikanan ug ang  endorsement gikan sa division office. MEL (BANATNEWS)

SALUSTIANO JIMENEZ

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with