_banat
^

Banat Balita

MOD: Walay expiry date ang certificate of recognition sa vendors

Sanden J. Anadia - Banat
MOD: Walay expiry date ang certificate of recognition sa vendors
Giklaro kini ni Cabales atol sa kinalit nila nga diyalogo tali ni Sangguniang Kabataan Federation (SKF)- Cebu City President Jessica Resch kauban ang pipila ka vendors kagahapon sa udto diha sa merkado.
STAR/File

CEBU, Philippines — Gihimakak sa hepe sa Cebu City Market Operations Division (MOD) Irvin Cabales ang nitumaw nga isyu nga giingong adunay "expiry date" ang gi-apod-apod nila nga certificate of recognition ngadto sa vendors sa Carbon Public Market.

Giklaro kini ni Cabales atol sa kinalit nila nga diyalogo  tali ni Sangguniang Kabataan Federation (SKF)- Cebu City President  Jessica Resch kauban ang pipila ka vendors kagahapon sa udto diha sa merkado.

Nasayran nga adunay vendors nga nipadayag sa ilang kabalaka nga basin unya og tulo ka tuig ra ang coverage sa certificate of recognition.

Sa pakig-atubang kanila ni Cabales gitataw niini nga ang pasabot sa tulo ka tuig mao ang dili pagsaka sa arkabala.

Matud ni Cabales nga dili basta-basta mosaka ang arkabala tungod kay mag-agi  kini sa   konseho.

Ug kon makadawat na gani og certificate of recognition ang vendor mao kini ang kasigurohan sa ilang permanente nga slot.

Samtang si Resch sa iyang bahin, niduaw lang gyud siya sa site kagahapon aron masuta ang estado sa vendors ug gusto masiguro niini nga mahimong tulin ang pagbalhin sa mga vendor ngadto sa temporaryo nila nga pwesto.

Nasayran nga gianam-anam na ang pagpaguba sa pipila ka bahin sa Carbon Market alang sa pagsugod sa construction sa modernong merkado. Gipaniguro sa kagamhanan sa siyudad nga dili gub-on ang pwesto sa vendors kon dili kini mapahimutang diha sa temporaryong pwesto. —BDB (BANATNEWS)

CEBU CITY MARKET OPERATIONS DIVISION
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with