^
3 HVI sikop, P1.76 milyones shabu nasakmit
Dul-an sa usa ka milyon ka pesos nga kantidad sa shabu ang nasakmit atol sa buy-bust operation sa Drug Enforcement Unit sa may Buhisan Road, Barangay Punta Princesa, Dakbayan sa Sugbo nga niresulta sa pagkasikop sa suspek nga si Josephus niadtong Biyernes sa gabii. —
Romeo D. Marantal

3 HVI sikop, P1.76 milyones shabu nasakmit

Mae Fhel K. Gom-os (Banat) - January 17, 2021 - 12:00am

Cebu, Philippines — Nasakmit sa mga awtoridad ang kantidad og P1.76 milyones nga drugas samtang tulo ka high-value individuals ang nasikop sa duha ka managlahing buy-bust operations sa Dakbayan sa Sugbo niadtong Biyernes sa gabii.

Si Joseph Hernandez, 35, nakuhaan og 145 gramos nga shabu nga gibanabana nga balor og P986,000 sa buy-bust operation sa may Buhisan Road, Barangay Punta Princesa.

Ang mga ebidensya nga nakuha gikan kay Hernandez naglakip sa 14 kabuok medium nga pakete ug tulo ka dagkung putos sa shabu ug ubang kagamitan sa pagsuyop sa ginadiling drugas.

Samtang si Honey Grace Batad, 24, ug Abraham Hartman, 29, nakuhaan og 115 gramos nga shabu nga gibanabanang mobalor og P782,000 atol sa buy-bust operation sa Sitio Fatima, Barangay Apas .

Ang tulo ka dinakpan giisip nga mga HVI regional level.

Mag-atubang sila og kasong kalapasan sa Section 5 ug Section 11 sa Article II sa Republic Act 9165. (BANAT NEWS)

HERNANDEZ
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with