Dul-an 100 ka vapes gikompiskar sa CCPO
Decemay P. Padilla, Sheriza Mae Uy, Alicia Ivy L. Chua (Banat) - November 22, 2019 - 12:00am

CEBU, Philippines – Mokabat ngadto sa kapin 80 ka mga Vapes o electronic cigarettes ang nasakmit sa Cebu City Police Office (CCPO) sa unang adlaw nga pagpatuman sa kamandoan ni Presidente Rodrigo Duterte.

Si CCPO Officer in Charge Police Colonel Geovanie Maines miingon nga tanang station commanders sa dakbayan gimandoan sa paglusad og operasyon batok sa mga mag-vape ug sa mga manigarilyo sa publikong lugar.

Dugang pa ni Maines nga ang aso gikan sa sigarilyo mas grabe og peligrong mahatag sa makahanggab niini.

Ang Pasil Police Station pinangulohan ni Police Major Keneth Paul Albotra maoy pinakadaghan og nasakmit  sa ilang 11 ka vapes,  gisundan sa Labangon Police Station nga adunay 10, Parian Police Station 9, Mabolo Police Station 8 ug ang uban la nga mga estasyon sa Dakbayan sa Sugbo.

Giklaro usab ni Maines nga sa pagkakaron kutob palang sa pagsita ug pagpakompiskar sa vapes ang ilang himuon. Gipahimangnoan sab nila ang mga nagnegosyo niini nga pahimangnoan ilang mga customer nga dili magpataka og gamit niini sa publikong mga lugar ug dili baligyaan ang mga minor de edad.

Ordinansa

Si Cebu City Mayor Edgardo Labella miawhag karon sa konseho paghimo og ordinansahon nga makapalig-on sa direktiba ni Duterte kay sama ni Duterte nagtuo siyang dili maayo sa panglawas ang pagpanigarilyo ug ang vape.

“To make it enforceable within our territorial jurisdiction, I already talk to the Chairman of the Committee on Laws, Raymond Garcia to come up with an ordinance to strengthen the directive of the president,” ingon ni Labella.   Sakop sa ordinansa ang pagdili sa paggamit sa mga e-cigarette sa mga pampublikong lugar ug ang pag-regulate sa mga namaligya niini.

Sumala sa Department of Health (DOH) adunay kapin sa 1 milyon nga mga tiggamit sa mga e-cigarettes sa nasud ug kaniadtong miaging semana usa na nga kaso sa “vape-related” lung injury ang nakompirmar. Ang maong bag-ong matang sa sakit gitawag og sa E-cigarette or Vape-Associated Lung Injury (EVALI).

Ang mga vape shops dinhi Cebu City pabor sa pag-regulate niini apan supak sa total ban.

I-regulate lang

Usa sa mga tag-iya og vape shops sa Cebu City nga nakahinabi sa Banat News miingon maayong i-regulate ang paggamit og vape apan dili angay nga i-totally banned ang ilang produkto.  “Kaning business namo this is just a small time business and what we are up to is our advocacy nga among advocacy is ang mga smokers would be shifting to vaping and somehow or maybe in a span of time they will quit and mao sad na akoa. As an owner, before I’m a smoker then I shifted to vape then karon wala nako nag-vape at all,” matud pa niya. Nasagmuyo siya kay giinitan ang vape ug dili ang mga dagkong kompanya sa sigarilyo nga mas makadaot.

“Sa research sa Europe, ingon didto nga 95 percent less harmful ang vaping but then again harmful gihapon siya but for us it’s a stepping stone for kadtong mga tawo nga naay vices to somehow quit,” dugang niya.

Giangkon niyang dako kaayo og epekto sa ilahang negosyo ang kamanduan sa presiden te kay posibleng bisan ang mga shipments sa ilang produkto gikabalak-an nilang kompiskahon.

“Kung i-regulate ang vape mo support gyud mi but not total ban,” dugang niya.(/IBM)(BANAT NEWS)

CCPO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with