Anti-smoke belching pahugtan
CEBU, Philippines — Giawhag sa konseho sa Dakbayan sa Sugbo ang Cebu City Transportation Office (CCTO) nga makig-alayon sa Land Transportation Office nga ipatuman ang Philippine Clean Air Act ug City Ordinance No. 2111 o ang “Anti-Smoke Belching Ordinance of the City of Cebu”.
Kini human nasuta nga ang polusyon sa hangin nahimo nga usa ka daku nga problema labi na sa usa ka highly-urbanized na siyudad.
Sumala pa nga ang nilapas na sa limit nga gitakda sa World Health Organization (WHO) ang polusyon sa hangin sa siyudad.
Nakatampo niini ang aso gikan sa mga pabrika ug mga sakyanan.
Matud pa nga bisan aduna nay balaod, daghan gihapon ang mga sakyanan nga nagbuga og aso diha ka kadalanan hinungdan sa awhag ngadto sa CCTO ug LTO sa hugot nga pagpatuman sa balaod. (/GMR)(BANATNEWS)
- Latest