Babayeng namugos mosulod kasohan sa polis
Rowena D. Capistrano, Gabriel C. Bonjoc (Banat) - May 18, 2019 - 12:00am

CEBU, Philippines —  Pasakaan gyud og kaso sa kapolisan sa Dakbayan sa Talisay ang usa ka babaye kinsa buot untang mosulod sa lugar diin nahitabo ang pinusilay tali sa mga polis ug sa retiradong US Marine sa Barangay Lawaan 3 sa nahisgutang siyudad niadtong Huwebes sa buntag.

Niadtong higayona gisikop sa mga polis si Teresita Moralita, 46-anyos, usa ka British citizen.

Si Police Major Adeolito Cabagnot, deputy chief sa Talisay City Police Station nibutyag nga ilaha nalang unta nga pasayloon si Moralita apan gumikan sa giingong pagkaarogante niini ug pagkamapahitas-on nakadesider sila nga mopasaka og kasong “serious resistance and disobedience to a person with authority” batok kang Moralita.

Matud ni Cabagnot nga wala sila’y gipasulod nga tawo sa lugar dihang padayon pa ang ilang pakigbinakbakay kang Segundino “Dean” Torrefranca nga maoy nagpatay nila ni kapitan Jimmy Bartilic ug Jade Ybañez kinsa step son sa suspetsado.

Si Torrefranca ang ikaduhang bana sa inahan ni Ybañez nga si Deliah Ybañez ug kanhi kapitan sa nahisgutang barangay kinsa nitaliwan na bag-ohay lang.

Sa laing bahin, nikabat ngadto sa P1.2 milyones ang danyos sa sunog nga niugdaw sa panimalay ni Ybanez human kini giingong gituyo og sunog ni Torrefranca.

Ang balay gipanag-iya kini ni Ybañez diin diha usab nagpuyo si Torrefranca kinsa napatay atol sa pinusilay.

Ang patay’ng lawas ni Torrefranca napalgan kini diha sa usa sa mga kwarto sa ground floor sa balay. BDB (BANATNEWS)

US MARINE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with