LGU giawhag magbutang og health desk
CEBU, Philippines – Giawhag sa Provincial Tourism Officer ang mga local government units (LGUs) nga magbutang og health desk sa mga tourist destinations niini karong panahon sa bakasyon.
Si Floresa Alpuerto ang officer-in-charge sa Tourism Office sa Kapitolyo nagkanayon nga usa sa iyang nabalak-an mao ang epekto sa grabeng kainit dala sa huwaw ngadto sa panlawas sa mga bakasyonista o tourista sa probinsya sa Sugbo.
Ang Sugbo apil kini sa mga apektadong lalawigan sa El Niño karong tuiga.
Matod ni Alpuerto nga aron nga malikayan ang mga sakit panahon sa tig init sama sa heat stroke, ang mga tourista kinahanglan mangandam usab ug siguradohon nga anaa sa saktong kondisyon ang ilang lawas hilabina katong mosuway og extreme tourist activities sama sa canyoneering.
Matod niya nga angay usab siguradohon sa mga tourist operator ang mga bisita niini sanglit sila maoy adunay direkta nga kontak sa mga tourista.
Angay usab adunay medical station nga nakapahimutang sa mga destinasyon aron adunay dali nga madaganan o makaresponde kon adunay emergency. —/LPM (BANAT NEWS)
- Latest