Sa 94 ka mga nipirma sa kasabotan, ang 83 niini mga pribadong kompanya o grupo nga pulos anha nagbase o nag-operate duol sa mga sapa nga planong ugmaron.
File
River cleanup gi-seryuso
Rowena D. Capistrano (Banat) - March 26, 2019 - 12:00am

CEBU, Philippines – Ang Department of Environment and Natural Resources (DENR) sa Central Visayas nangusog karon nga mabuhi pagbalik ang kaniadto mga dagko ug inila nga mga kasapaan sa rehiyon. Niining bag-ohay lamang, ang DENR-7 nipanday og mga kasabotan tali sa dili momenus 94 ka mga ahensya sa gobiyerno ug mga pribadong kompanya alang sa paspas nga rehabilitasyon ug malungtarong pagdumala sa napulo ka prayoridad nga mga sapa sa rehiyon.

Sa 94 ka mga nipirma sa kasabotan, ang 83 niini mga pribadong kompanya o grupo nga pulos anha nagbase o nag-operate duol sa mga sapa nga planong ugmaron.

Nipirma sila og memorandum of agreement (MOA) ug memorandum of partnership (MOP) uban sa DENR-7.

Sa gipagawas nga pamahayag, si Gilbert Gonzales, DENR-7 Regional Executive Director miingon nga ang pagpirmahanay sa kasabotan dako og kahulogan sa programang “Rivers for Life.”

Matud niya, pinaagi niini matutokan gyud ang programa ug makapadasig kini sa mga partner stakeholders ilabi na ang gikan sa pribadong sector ug sa academe pagtabang ug suporta sa pagpanglimpyo sa mga kasapaan sa rehiyon.

“We recognize the support that we are now getting from our partners, especially the support coming from the local government units and private establishments, for their commitment to help us address the huge volume of silt, wastes and other debris that have affected our river systems in the region,” matud ni Gonzales.

Ubos sa kasabotan, ang mga nipirma gitahasan pagpalambo sa mga sapa ug pagpahigayon og information and education campaigns sa ilang mga dapit.

Gidasig sab sila nga organisahon ang mga komunidad o mga lumolupyo kilid sa mga sapa pinaagi sa pagpaubos kanila og mga environmental trainings ug mangulo sa pagpahigayon og regular nga river cleanup.

Atol sa dungan nga river cleanup niadtong Marso 22, moabot 23,057 ka kilong basura ang nahipos gikan sa nagkadaiyang mga sapa dinhi sa Central Visayas.

Kini nahipos gikan sa Bulacao River, Luyang River ug Butuanon River sa Cebu; Manaba River, Abatan River ug Inabanga River sa Bohol; Banica River, Sicopong River ug Panam-angan River sa Negros Oriental  ug Señora River sa Siquijor.(May Miasco sa The Freeman/IBM)

Death penalty singgit sa inahan

Hustisya maoy panawagan karon sa pamilya ni Josephine Ortega, ang ginang nga gipatay sa iyang kapuyo nga si Crisanto Martinez ug gilubong luyo sa usa ka bunk house sa usa ka condominium diha sa Barangay Kasambagan sa Dakbayan sa Sugbo. Ang inahan sa biktima nga si Bernardita Arnado nanawagan siya sa presidente nga ibalik ang death penalty aron mahatagan og hustisya ang kamatayon sa iyang anak nga brutal nga gipatay.

Dugang pa sa inahan adunay siyam ka anak ang biktima sa unang lalaki sa kinabuhi niini, hinungdan dili nila madawat ug sa mga igsuon sa namatay ang gidangatan niini sa mga kamot sa suspek.

Gitug-an sa pamilya nga buwag sa iyang bana ang biktima ug nakigpuyo sa suspek tungod sa kalisod apan kulatado kini pirme sa suspek. Si Arnado, niangkon nga grabeng selos maong nabuhat niya ang krimen.

Ang patay’ng lawas ni Ortega nadiskubrehan human kini nanimaho gikan sa mabaw nga lubnganan nga gibutangan kaniya sa suspek human kini gipatay.  Ang gwardiya sa condominium maoy nakadiskubre kaniya human niini gikubkob ang yuta ug nigimaw ang kamot sa biktima hinungdan nga nitawag kini dayon og polis. (/IBM)(BANAT NEWS)

 

 

RIVER CLEANUP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with