Klasmit Boyet Cortes mipanaw na
May Miasco, Lorraine Mitzi A. Ambrad (Banat) - February 4, 2019 - 12:00am

CEBU, Philippines — Namatay human giatake sa kasingkasing ang magpapili pagka-gobernador sa Lalawigan sa Sugbo nga si Roliveth “Klasmit Boyet” Cortes.

Matud ka kabanay niini, namatay niadtong Sabado sa gabii si Cortes sa tambalanan human kini atakiha mga alas tres sa hapon. Gideklarar kining patay na pagka alas noybe sa gabii tungod sa cardiac arrest.

Ang haya ni Cortes anaa sa pribadong funeral homes sa Mandaue City.

Asoy pa ni Carl Cabaluna, pag-umangkon ni Boyet, aduna pay mga kabanay nga hulaton gikan sa gawas sa nasud lakip na ang anak niini nga atua sa Canada. Gipahibawo sa publiko ang kamatayon ni Boyet sa iyang igsuon nga si Glenn pinaagi sa social media kahapon sa buntag.

“There are no words at this time to describe our grief but we are comforted that at the time of his death, he was doing what he loved to do - to serve the people,” tipik sa pamahayag ni Glenn.

Nagpasalamat usab kini ngadto sa mga nagpabilin sa kiliran sa iyang igsuon ang mga supporters niini hangtud sa katapusang ginhawa ni Boyet. Basi sa Comelec, usa ka independente nga kandidato si Boyet sanglit dili siya mailisan. Sa mga miaging interview, mipasabot si Provincial Election Supervisor Jerome Brilliantes nga kadto lamang nga mga kandidato nga adunay Certificate of Nominations and Acceptance (CONA) ang mahimong mahulipan kon ugaling ma-disqualy o mamatay.

Si Cortes naila gumikan sa iyang TV show mahitungod sa pag-negosyo hinungdan nga nailhan siya isip “Klasmit Boyet”. Niadtong 2016, misulay usab siya pagdagan pagkagobernador apan napildi siya ni Gobernador Hilario Davide III.

Human sa kamatayon ni Boyet, duha ka babaye na lang ang mag-atbang alang sa pagka-gobernador karong May elections. Sila mao si Bise Gobernador Agnes Magpale ug Third District Representative Gwendolyn Garcia. Si Garcia mipadangat sa iyang pahasubo ngadto sa pamilyang Cortes.

“I am saddened by the untimely passing of a friend and worthy opponent, Boyet Cortes. Although we were both contenders in the gubernatorial race, we always maintained a mutual respect and appreciation for each other’s views,” sigon ni Garcia.

Samtang si Magpale wala dayon makatuo dihang nakadungog sa balita.

“I extend my condolences to the bereaved family. I was really shocked. I cannot really say more of it because I have no close association with him. Yes, he is a loss of life and of a leader.” pamahayag ni Magpale. (BANAT NEWS)

ROLIVETH CORTES
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with