Sea ambulance project padayonon sa Kapitolyo
Le Phyllis F. Antojado (Banat) - August 14, 2018 - 12:00am

CEBU, Philippines — Ipadayon sa Kapitolyo ang pagpalit og duha ka motor banca nga magsilbing sea ambulance nga mokuha og pasyente gikan sa isla padulong diha sa mga tambalanan sa Probinsiya sa Sugbo.

Sayo pa, ang Bids and Awards Committee (BAC) sa Kapitolyo nideklara og failure of bidding sa pagpamalit og sea ambulance human nga ang supplier niini wala maka-deliver sa tukmang adlaw sa deadline.

Si Dr. Rene Catan, pangulo sa Provincial Health Office (PHO) nibutyag nga nagplano sila sa pagsumitir og bag-ong purchase request alang sa pagpalit og bag-ong sea ambulance diin mas barato o gamay nga pundo ang kinahanglan.

Kaniadto, speedboat ang orihinal nga plano nga himuong sea ambulance nga mokabat ngadto sa P7 milyones karon motor banca na lang aron makadaginot ang Kapitolyo sanglit ang gasto niini P500 mil ngadto sa P800 mil lang. Ang sea ambulance gipaninguha kini sa probinsiya nga ma-deliver karong tuiga aron dali na lang sa mga pasyente ang pagbiyahe gikan sa mga isla padulong sa mga provincial hospital sa mainland.

Ang mga sea ambulance butangan kini og kompleto nga kahimanan sama sa oxygen, automated external defibrillator (AED), tambal, GPS, ug siren ug adunay nurse ug medical personnel nga mokuyog ug sugaton usab kini og ambulansiya gikan sa provincial o district hospital inig dunggo.

Dugang ni Catan nga walay gasto usab niini ang pasyente tungod kay ang gasolina libre sa tambalanan. Ang duha ka sea ambulance plano kini nga adto ipahimutang sa duha ka isla sa Bantayan ug Camotes. (BANAT NEWS)

BIDS AND AWARDS COMMITTEE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with