Illegal settlers naghuwat sa tagal sa demolisyon
Richel Ann P. Basiga (Banat) - July 25, 2018 - 12:00am

CEBU, Philippines – Boluntaryo nga niguba sa ilang panimalay ang 43 ka pamilya  nga nahimutang sa sidewalk sa Sitio Sudlon 1 ug 2, Tejero, Dakbayan sa Sugbo.

Ang Prevention, Restoration, Order and Beautification (PROBE) officer-in-charge, Raquel Bohol-Arce, ang nangulo sa clearing operation sa maong lugar subay sa ordinansa sa siyudad.

Si Tejero Barangay Kapitan Hermogenes Galang Jr. nihangyo nga patas-an og duha ka semana aron adunay igong higayon ang mga residente sa pagpanghawan sa lugar hinungdan nga ang mga ilegal nga molupyo niboluntaryo na lang sa pagdemolis sa ilang panimalay.

Apan bisan sa gihatag nga lugway, giingong dunay mga residente nga wala pa nipahawa hangtud sa tagal kagahapon.

Sigun ni Galang nga kung dili gyud mopahawa, pwersahon na nila subay sa balaud.

Dugang pa niya nga wala sila nagkuwang sa pagpahibalo sa mga ilegal nga residente nga nitukod og balay sa sidewalk.

Gani ang kanhi kapitan sa barangay ug karon Konsehal Jessielou Cadungog maoy nihangyo kang Mayor Tomas Osmeña nga mahatagan og financial assistance ang mga apektadong residente sa iya pang termino.

Sigun ni Executive Assistant to the Mayor, Bimbo Fernandez, nga matag pamilya nga boluntaryo nga niguba sa ilang panimalay mahatagan og P5,000 nga financial assistance hinungdan nga nikooperar ang 43 ka pamilya.

“Sa tibuok Cebu City nga clearing operation sa sidewalks, ang Sitio Silangan ra gyud ang naay financial assistance. Swerte gani na sila,” sigun ni Cadungog.

Matud ni Galang nga tungod kay ang financial assistance nga P190,000 igo ra sa 38 ka pamilya, nipagawas na lang og kwarta ang barangay aron masuportahan sila tungod kay ang mga residente dili mahatagan og relocation site sa gobiyerno.

Sa pagkakaron, pipila ka residente ang nagpadayon pa sa pagdemolis sa ilang panimalay apan ang uban wala pa gyud nipahawa. (/GMR)(BANAT NEWS)

DEMOLISYON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with