Badac palihokon sa Talisay

Gabriel C. Bonjoc (Banat) - July 20, 2018 - 12:00am

CEBU, Philippines — Palihokon sa bag-ong presidente sa Association of Barangay Councils sa Dakbayan sa Talisay ang Barangay Anti-Drug Abuse Council sa 22 ka barangay sa dakbayan.

Si Kapitan Marietta Bucao nibutyag nga ang BADAC maoy usa sa ilang hingusgan sa iyang paglingkod tungod kay ang pagpuhag sa ginadiling drugas mao ang labing prayoridad ni Presidente Rodrigo Duterte.

Ang BADAC maoy may dakung papel sa kampanya sa ilegal nga drugas kay ang mga opisyal sa barangay ang labing nasuhito sa ilang mga konstituwente.

Siya nagkanayon nga ang paghatag og impormasyon sa kapolisan mao ang ilang tulumanon samtang ang operasyon iya na sa kapolisan.

Iya lang hangyo sa mga opisyal sa siyudad ingon man sa kapolisan nga unta sila giyahan aron nindot ang mogawas nga resulta sa ilang paningkamot.

Sayo niini ang Department of Interior and Local Government sa siyudad nga gipangulohan ni Celerino Magto Jr. nihagit sa mga opisyal sa barangay nga molihok sa ilang responsibilidad.

Ang kapolisan sa Talisay nireklamo kay ang BADAC nahimo na lang nga compliance sa ubang mga barangay diin dili seryuso sa programa.

Sa laing bahin andam motabang ang kapolisan sa dakbayan sa mga kabanay sa napatay sa operasyon batok sa ilegal nga drugas niadtong Miyerkules sa kaadlawon.

Kini kun adunay reklamo o pagduda labot sa ilang gihimo nga operasyon diin tulo ka tawo ang napatay dihang gihimo ang One Time Big Time nga operasyon.

Si Chief Supt. Debold Sinas, director sa Police Regional Office-7, nibutyag nga legal ang ilang operasyon ug napugos ang iyang mga sakop sa pagpusil sa mga nisukol hinungdan nga napatay sa kapolisan.

Si Insp. Rene Cerna, deputy chief sa Talisay City Police Station, niingon nga kun aduna’y reklamo ang mga kabanay sa tulo nga namatay pwede ra modangop sa ilang buhatan.

Matud ni Cerna nga katungod sa bisan kinsang tawo nga mopasaka og sumbong apan ang ila sa kapolisan mao sab ang pagtubag sa reklamo. (/GMR)(BANATNEWS)

BADAC
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with