‘Basura mo, sardinas ko’ malampuson
Odessa O. Leyson (Banat) - July 2, 2018 - 12:00am

CEBU, Philippines — Giangkon ni Konsehal Eugenio Gabuya Jr. nga malampuson ang Basura Mo, Sardinas Ko Program sa kagamhanan sa Dakbayan sa Sugbo.

Sumala pa ni Gabuya nga tungod sa maong programa naedukar ang publiko nga molabay sa basura direkta ngadto sa compactor trucks.

“Yes, effective kaayo because people learn to throw their garbage directly to the compactor truck and they kept their garbage until the truck comes,” matud ni Gabuya.

Niadtong Marso 2017, gisugdan ang Basura Mo, Sardinas Ko Program sa bag-ong administrasyon pinaagi sa Department of Public Services diin gi-pilot ang duha ka barangay.

Kini mao ang Barangay Cogon Pardo ug Lahug tungod kay usa kini sa mga lugar diin adunay daghang basura ang anaa sa mga kanal ug sapa.

Si Mayor Tomas Osmeña nipatuman sa maong programa aron matudloan ang katawhan sa paglimpyo sa sapa, kanal ug uban pa.

Ang Basura Mo, Sardinas Ko Program gikopya ni Osmeña sa Curitiba, Brazil diin ang katawhan giawhag sa pagkolekta og basura aron mabayloan og sardinas.

Ang DPS mohatag og sardinas sa katawhan nga molabay sa basura sa compactor trucks.

Kung molabay og usa ka plastic nga basura makadawat og usa ka lata nga sardinas samtang ang usa ka sako duha ka lata nga sardinas ang madawat niini.

Base sa record sa DPS, sukad niadtong Marso 2017 hangtud Marso 2018, adunay 274, 247 ka sardinas ang nahatag sa katawhan.

Kahinumduman nga nipalit ang DPS og P5 milyones nga sardinas nga gamit ang pundo sa Accelerated Social Amelioration Program (ASAP).

Tungod sa positibo nga epekto sa programa, nagplano si Gabuya nga palapdan kini sa laing mga barangay sa siyudad. (BANAT NEWS)

EUGENIO GABUYA JR
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with