Si DepEd-7 Regional Director, Dr. Julieta Jeruta, nidason nga gimugna kini sa ahensya aron matutokan ang gipadulngan sa mga tinun-an ug sugod karong Hunyo mao kini ang asikasuhon sa mga program coordinators.
Miguel de Guzman
Gradwar sa senior high obserbaran
May B. Miasco (Banat) - June 18, 2018 - 12:00am

CEBU, Philippines — Nigamit ang Department of Education sa Rehiyon 7 og usa ka tracking tool nga nagtinguha nga mahibaw-an kon unsay sunod nga mga lakang nga gibuhat sa mga nigradwar sa senior high school.

Si DepEd-7 Regional Director, Dr. Julieta Jeruta, nidason nga gimugna kini sa ahensya aron matutokan ang gipadulngan sa mga tinun-an ug sugod karong Hunyo mao kini ang asikasuhon sa mga program coordinators.

Ang maong tracking tool magamit sa pagsukod sa kaepektibo sa K to12 Basic Education Program diin gipuno ang duha ka year levels sa high school sa bag-o nga schooling system.  Kini mao ang Grades 11 ug 13 nga mas naila nga senior high school.

“We (DepEd) don’t claim immediate success (since the K to 12 Program was implemented) since it’s our first batch and proofs should be gathered for a time,” matud ni Jeruta.

Ang Rehiyon 7 adunay kapin sa 100,000 senior high graduates gikan sa pribado ug pangpublikong eskwelahan.

Ang tracking tool magamit sa pagdeterminar kon ang estudyante makasulod ba sa kolehiyo.

Dugang ni Jeruta nga mahibaw-an usab kon unsa kataas sa panahon una makakita og trabaho ang gusto na manarbaho ug ang pagtan-aw kon nisibo ba ang trabaho nga nakuha sa graduate sa gikuha nga track niini sa nagtungha pa sa senior high.

Si Jeruta nipasabot nga mga graduate sa K to 12 Program gibanabana nga preparado sa pagpanarbaho ug adunay katakus o abilidad nga makasugakod sa kalisud sa tertiary education.

Siya niingon nga ang mga gradwar nga gusto motungha sa kolehiyo makahimo gyud nga dali makapasar sa entrance examinations sa unibersidad nga ilang mapili. Sa mga walay plano nga magkolehiyo ug gustong mangita og trabaho, siya nagkanayon nga kinahanglan nilang ipresentar ang ilang kaugalingon sa mga potential employers nga andam na sila ug adunay kahanas nga atubangon ang industriya. (BANAT NEWS)

 

JULIETA JERUTA SENIOR HIGH SCHOOL
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with