SC: Landfill hingpit nang pasirad-an
Odessa Leyson (Banat) - May 2, 2018 - 12:00am

CEBU, Philippines – Ang Korte Suprema mimando kang Cebu City Mayor Tomas Osmeña ug mga representante niini nga permanente nang hunongon ang paglabay og basura sa Inayawan landfill ug padayunon ang rehabilitasyon niini.

Sa gipirmahang desisyon ni Associate Justice Noel Gimenez Tijam nga may petsang Marso 20, 2018, ilang gibasura ang petition for review on certiorari for lack of merit nga giduso ni Osmeña.

“The court is convinced from the evidence on record that the respondent (Joel Garganera) has sufficiently established the aforementioned requirements for the grant of the privilege of the writ of kalikasan. The record discloses that the city government’s resumption of the garbage dumping operations at the Inayawan landfill has raised serious environmental concerns,” matud sa desisyon.

Si Garganera mao ang misang-at og petition for writ of kalikasan diha sa Court of Appeals niadtong Septiyembre 6, 2016.

Matud sa reklamo ni Garganera ang pagbukas og balik ni Osmeña sa landfill niadtong 2016 human gipasirad-an kaniadto ni kanhi mayor Michael Rama adtong 2015, nakalapas sa environmental laws ug mga regulasyon sa gobiyerno.

Ang  Court of Appeals mipagawas niadtong Oktubre 2016 og writ of kalikasan ug Disyembre 15, 2016 gimandoan si Osmeña nga permanente nang tak-opan ug i-rehabilitate ang landfill.

Niadtong Mayo 2, 2017, si Osmeña mihangyo sa Korte Suprema nga ibasura ang closure order sa Court of Appeals sa Inayawan landfill.

Si City Legal Office head, Attorney Joseph Bernaldez dili usa mohatag og komento bahin niini tungod kay wala pa siya kabasa sa SC nga desisyon. (/IBM)(BANAT NEWS)

 

PASIRAD-AN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with