Kuwang nga premyo gidoble sa mayor
CEBU, Philippines — Gidoble ni Mayor Tomas Osmeña ang kuwang nga P10 mil sa premyo sa nakadaog sa ikatulong pwesto sa Sinulog Puppeteer category kansang nadawat nga premyo P30 mil unta apan P20 mil ray nahatag kuwang og P10 mil. Ang maong puppeteer nga mireklamo mao ang magtiayong Ryan ug Analyn Cuyos. Ang asawa nga si Analyn midangop kang Osmeña aron paninglon ang kuwang nga P10 mil sa ilang premyo.
Ang premyo sa ikatulong pwesto sa Puppeteer category P30 mil apan tseke nga P20 mil lang ang ilang nadawat mao nga gipangutana nila ang Sinulog Foundation Inc. apan naabtan na lang sila og dul-an tulo ka buwan sige og balik-balik pulos lang pasalig ang ilang nadawat.
Ang mayor mihimo og ‘note’ nga iyang gipadala kang Engr. Pericles Dakay sa Sinulog Foundation Inc. nga nag-ingon nga pabayran ang kuwang nga P10 mil ug dugang ‘suffering compensation’ nga P10 mil. “I don’t like to hurt people’s feelings. Anyway you can see we made so much money so sige na lang, they have all this participants have made the Sinulog successful we don’t want to have a reputation where there’s favoritism, cheating the prizes,” asoy pa sa mayor.
Ang mayor miingon nga posibleng aduna lang nahitabong ‘miscommunication.’ Si SFI Executive Director Ricky Ballesteros ang karaang guidelines maoy ilang nagamit ug dili kadtong bag-o mao nga ingon adto ang nahitabo.
Samtang ang SFI nitala og 237 porsiyento nga excess funds nga nagkantidad og P12 million itandi sa miaging tuig nga naa lang sa P3 million.
Gipresentar ni Cebu City Mayor Tomas Osmeña kinsa maoy chairman sa SFI ang review of transaction sa Sinulog 2018 sa mga tigbalita.
“It shows that there’s a lot of corruption last year, simple. That’s the way I see it. How come we can make so much money when we take over and we have so much money. To me, that show the previous years daghan kaayong naka-kwarta diha,” matud ni Osmeña. Sa dokumento nga gipresentar sa mayor sa mga tigbalita ang SFI nakakuha og excess funds nga P1 million sa 2016, P3 million sa 2017 ug P12 million karong tuiga. Ang ‘review of transactions’ gikan sa Disyembre 1, 2017 hangtod sa Pebrero 15 ning tuiga. (IBM) (BANAT NEWS)
- Latest
