Kasabutan sa 93-1 nakab-ot
Brenda D. Batuto (Banat) - January 1, 2017 - 12:00am

CEBU, Philippines - Medyo nakabaton na og kahayag sa ilang sitwasyon ang mga namuyo sa luna ubos sa 93-1 human sa hinapos nga bahin sa niaging Disyembre, si Gobernador Hilario III gihatagan og pagtugot sa hunta probinsiyal nga mopirma sa Memorandum of Agreement (MOA) kabahin sa land swapping tali sa Dakbayan sa Sugbo.

Lakip sa MOA nga ang 32.4 ektaryang luna ubos sa 93-1 bayloan og luna sa Dakbayan sa Sugbo.

Sa habig sa Dakbayan sa Sugbo, si Mayor Tomas Osmeña nakita niya ang maayong lakang sa Ad-Hoc Committee sa pagrekomendar sa konseho sa pag-aprobar sa MOA alang sa pagresolbar sa land swap deal.

Gituohan sa mayor nga ang chairman sa socialized housing and services committee nga si Konsehal Joey Daluz III nirekomendar sa approval tungod kay ang mga sakop nga dili kaalyado sa mayor nahadlok nga ang mga beneficiaries sa 93-1 masuko ngadto kanila.

Si Daluz nagkanayon nga dili tungod sa kahadlok nga niaprobar sila apan tungod sa positibo nga tubag gikan sa mga beneficiaries kabahin sa gihatag nga terms and conditions sa siyudad alang sa land swap.

Dugay na nga katuigan ang mga residente sa 93-1 nanghinaut nga mahatagan na og kaseguruhan ang ilang pagpuyo sa luna.

Ang kagamhanan sa probinsiya ug dakbayan taud-taud na usab kini nga nagsabot-sabot aron makab-ot ang tukma nga hukom alang sa kaayuhan sa mga konstituwente sa siyudad ug probinsiya.

Sa wala pa ang local ug national elections sa 2016, si Osmeña ug Davide nisaad nga sulbaron nila ang isyu sa 93-1 sulod sa 60 ka adlaw sa ilang paglingkod sa katungdanan.

Ang 93-1 nga luna na-subdivided na kini ngadto sa 4,364 ka lote nga giokupahan sa mga residente sa Dakbayan sa Sugbo nga nahimutang sa Barangay Kamputhaw, Capitol Site, Kalunasan, Busay, Bario Luz, Lahug, Mabolo, Apas, Lorega San Miguel, Kasambagan ug Tejero.

Sa maong mga lote, 1,445 lang ang naimpasan na sa pagbayad samtang ang nagpabilin nga 1,188 wala pa kini makaimpas ug laing 1,731 ang wala gyud kabayad.

Base sa appraisal niadtong Abril 4, 2008 nga gibasehan sa 2011 sa Cebu Provincial Appraisal Committee, ang 32.4 ektaryang luna nagkantidad og P2.96 bilyones.

Sa appraisal sa tuig 1990, ang maong luna duna lang kini balor nga P338.3 milyones.

Ubos sa MOA nga ang luna ubos sa 93-1 gamiton lang kini alang sa socialized housing program.

Lakip sa iapil sa land swap deal ang luna sa probinsiya nga dunay gilapdon nga 1.5 ektarya nga nahimutang sa Department of Agriculture compound sa may dalan M. Velez, Barangay Guadalupe, Dakbayan sa Sugbo.

Sa maong 1.5 ektarya, usa ka ektarya niini ang gamiton sa siyudad alang sa school site ug ang tunga sa ektarya alang sa relocation site sa mga informal settlers sa mga lote sa Kapitolyo sa Governor Manuel Cuenco Avenue kilid sa I.T. Park.

Laing luna sa Kapitolyo nga apil sa land swap nahimutang sa Gorordo Avenue sa Lahug nga dunay gilapdon nga 2,358 square meters ug sa Don Gil Street sa Barangay Capitol Site nga dunay gilapdon nga 577 square meters.  (BANAT NEWS)

KASABUTAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with