^

Banat Balita

Madridejos “on and off” sa disaster training

Brenda D. Batuto - Banat

CEBU, Philippines - Ang Provincial Disaster Risk Reduction Management Office (PDRRMO) padayon sa pagpalig-on sa mga emergency response team sa kalungsuran.

Ang hepe niini nga si Baltazar Tribunalo Jr. nanghinaot nga mapirmamente na unta ang mga response team sa matag lungsod aron dili na maproblema sa panahon kun adunay katalagman nga moigo.

Sa sayo pa, gibutyag sa opisyal sa PDRRMO nga ang mga responder sa ubang kalungsuran nga napaubos na sa ilang training gipangtaktak sa pagpuli sa bag-ong administrasyon sa ilang lugar kay dili man nila kaalyado. Kasagaran sa mga responder mga job order.

Matud ni Tribunalo nga karon aduna nay kapin sa 40 ka emergency response team (ERT). Tipik sa pagpalig-on sa ERT sa kalungsuran, gawas sa pag-training kanila ang PDRRMO nigama usab og mga response plan.

Ang tanang local government unit (LGU) sa probinsiya kinahanglan nga aduna kini contingency plan.

Nanghinaot siya nga ma-institutionalize ang tanang disaster risk reduction management office sa mga LGU aron adunay permamente nga moatiman sa tanang proyekto ug programa alang sa disaster risk reduction management.

Dihang miigo ang bagyong Yolanda sa Visayas, ang mga lugar sa amihanan maoy grabeng naapektohan. Lakip na niini ang mga lungsod sa isla sa Camotes, lungsod sa Daanbantayan, Santa Fe ug Madridejos. Gibutyag ni Tribunalo nga medyo hagit kanila ang lungsod sa Madridejos kay dili aktibo ang ilang mga responder ug ang Municipal Risk Reduction Management Office.

Ang mga responder sa maong lungsod “on and off” sa ilang pagpaubos og training kabahin sa disaster risk reduction management.

Matud ni Tribunalo nga ang DRRM sa Madridejos wala mahatagi og priority sa LGU hinungdan nga ang Local Disaster Risk Reduction Management Officer sa maong lungsod miluwat sa katungdanan.

Si Tribunalo nanghinaot nga mahatagan og pagtagad sa mayor sa lungsod ang kabahin sa DRRM.

Hinuon kadtong mga LGU nga aduna nay mga responder maoy motabang usab ngadto sa duol nilang LGU panahon nga adunay katalagman kun gikinahanglan.

Ang PDRRMO padayon sa ilang pag-agni ug pagpasabot sa mga LGU nga wala mohatag og prayoridad sa ilang mga Disaster Risk Reduction Management  sa ka mahinungdanon sa mga responder ug DRRMO sa ilang lugar. (BANAT NEWS)

MADRIDEJOS

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user