Tourism farm sa Sugbo mugnaon
Brenda Batuto (Banat) - May 14, 2016 - 10:00am

CEBU, Philippines - Ang agriculture consultant sa Kapitolyo misugyot sa pag-establisar og agri-tourism nature farm sa Sugbo kinsa ang mga turista pwede nga makapamupo og utanon ug pwede nga sila maoy moluto niini.

Si Dr. Romulo Davide, uyoan ni Gobernador Hilario Davide, III nagkanayon nga ang lugar nga viable sa maong proyekto ila pa nga gi-identify.

Matud ni Dr. Davide nga ang maong agri-tourism usa ka lugar diin makita nimo ang farm sa mga utanon, prutas ug uban pa, restaurant ug posibleng butangan usab kini og swimming pool.

Sa laing bahin, si Dr. Davide maoy nangulo sa gipahigayong blessing ug soft opening sa P6 milyones nga Farmer Scientist Training program building sa Barangay Candabong, lungsod sa Argao niadtong Mayo 6.

Ang probinsiya mi-download o mihatag og P5 milyones ngadto sa kagamhanan sa lungsod alang sa katukuran sa nahisgutang building. 

Ang FSTP building usa kini ka mixed-use facility diin anha ipahigayon ang FSTP trainings, seminars, congress ug uban pang kalihukan.

Ang portion sa maong building igahin alang sa opisina, conference room ug laboratory. Samtang ang second floor sa building himuon kining dormitory alang sa mga mag-overnight stay.

Ang maong building gamiton usab kining evacuation center ug sports facility. Si Argao Mayor Edsel Galeos nagkanayon nga i-develop niya ang palibot sa building diin magbutang siya og nursery alang sa mga imported crops, mga utanon ug estraktura. (BANAT NEWS)

 

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with