^

Banat Balita

Mandaue vendors karon lang nangreklamo

Decemay P. Padilla/GMR - Banat

CEBU, Philippines - Nangreklamo ang asosasyon sa market vendors sa Dakbayan sa Mandaue gumikan sa matud pa taas nga singil sa temporaryo nila’ng pagpahiluna gawas sa bag-ong merkado nga naguba sa linog.

Gisaway ni Moling Sasing, presidente sa asosasyon, ang kagamhanan sa siyudad sa pagpangolekta og business permit nga moabot sa P14,000 lakip na ang pagbayad sa administrative fine nga P2,500 kun ang ila’ng mga dokumento dili kompleto.

Siya nisugyot sa City Treasurer’s Office sa paghimo og ocular inspection aron mahibaw-an kun ang mga manindahay nikita ba o wala.

 Lakip sa gisaway ang nagpadayong koleksiyon sa lease right nga nagkantidad og P20,000 ngadto na sa P40,000 sa mga stalls nga matud pa wala na nila nagamit sa bag-ong merkado.

Asoy sa usa ka Teresita Calo, sakop sa asosasyon, nga dili man nila igkita ang mga opisyal sa siyudad apan panahon lang sa piniliay ug dili gihapon sila makapadayag sa ila’ng mga reklamo.

Si City Treasurer, Atty. Regal Oliva, niklaro nga patas ang ila’ng assessment bisan sa gamay hangtod na sa mga dagku’ng negosyo.

“Kung nireklamo pa gyud na, amo na na’ng na-address dayon, so kana’ng estorya nga ingon ana, pirme nireklamo, moreklamo sila sa hangin,” matud ni Oliva.

Samtang si Konsehal Jimmy Lumapas, chairman sa committee on market, niingon nga karon lang nitumaw ang problema.

Matud niya nga nagkaduol na ang piniliay ug dili malikayan nga masagulan og pamolitika ang hitabo diin iya kini’ng gihulagway nga “ting-ukay sa mga baho.”  (BANAT NEWS)

 

ACIRC

ANG

ASOY

CITY TREASURER

KONSEHAL JIMMY LUMAPAS

MGA

MOLING SASING

NGA

REGAL OLIVA

SI CITY TREASURER

TERESITA CALO

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with