Manglungkabay og sakyanan sikop
CEBU, Philippines – Gidakop sa kapolisan ang 18-anyos nga lalaki nga suspek sa pagpanglungkab sa mag-parking nga sakyanan sa Barangay Santo Rosario, Dakbayan sa Bogo.
Ang pagdakop natigayon human ang biktima nga si Elton Tampus Monsalud, 33-anyos nga nagpuyo sa mao’ng dapit ang nakadiskubre nga ang iya’ng closed-type multicab nga gi-parking ang gilungkab.
Naglakip sa nahanaw ang battery sa sakyanan ug P3,000 nga salapi.
Dali nga nidangop sa pagsumbong sa buhatan sa kapolisan ang biktima nga niresulta sa pagkasikop sa suspek.
Si Police Officer 3 Elymar Mendoza niila sa suspek nga si Jiff Anthony Hinoguin nga nagpuyo sa mao’ng dapit.
Matud ni Mendoza nga ang dinakpan mao usab ang suspek sa mga nahitabo’ng pagpangawat sa mao’ng dapit hinungdan nga dali usab kini nila’ng nasikop. – /GMR) (BANAT NEWS)
- Latest
