Nalipong sud sa taksi
Jojo C. Ugdol (Banat) - January 22, 2016 - 9:00am

CEBU, Philippines – Nagkurog sa kahadlok nga nagpakitabang sa Carbon Police Station dinhi sa Dakbayan sa Sugbo ang usa ka 33 anyos nga maestra ug mipasangil batok sa usa ka drayber sa taksi nga adunay gi-spray sa sud nga nakapalipong ug nakapawala sa iyang kusog samtang nagsakay siya niini niadtong miaging adlaw.

Ang maestra nga nagkurog pa gihapon ang tingog dihang nahinabi sa Banat News mihangyo nga magpatago sa iyang pangalan alang sa iyang seguridad nagtudlo sa Abellana National High School. Sumala pa niya misakay kini og taxi gikan sa dalan Borromeo ug nagpahatod sa tunghaan.

Matud pa niya, nabantayan dayon niyang walay gibitay nga ID sa drayber diha sa dash board, ug aduna kini tattoo sa iyang kamot.

Nakita usab niya nga nagsige kini og liso-liso sa iyang liog ug wala nahimutang ug pagkataud-taod aduna kini gi-spray diha sa aircon ug gipaatubang diha kaniya. Dangtan og pipila ka segundos nawad-an siya sa iyang kusog.

Tungod sa mga balita nga iyang nakita ug nabasa may labot na sa maong modus operandi sa mga tulisang drayber sa taksi hinayhinay niya nga giablihan ang bintana bisan naglisod siya paglihok tungod kay lapoy kaayo iyang lawas.

Apan matud pa niya, pirmeng ipataas sa drayber ang bintana ug sa kadugayan nabantayan niyang lugos nang malihok iyang tuhod.

"Sakto ra ang akong huna-huna pero ang akong lawas, halos dili na nako malihok, pwerting hadloka na gyud nako kay akong ipaubos ang window, ipasaka man pud sa drayber," sumala pa sa maestra. Pag-abot duol sa usa ka mall na-traffic  ug mihunong ang mga sakyanan ug diha na siya nakahigayon pagsige og singgit pagpangayo og tabang samtang nagsige siya og kawaykaway sa iyang kamot diha sa bintana. Adunay mga tawo nga nakakita sa iyang gibuhat apan wala siya tabangi, hangtud nga adunay tulo ka estudyanteng miduol ug giablihan ang pultahan sa taxi.

"Didto naku mihawid sa mga estudiyante ako silang giingnan nga ayaw ko ninyo biyai kay gibinuangan ko sa drayber sa taxi," saysay pa niya. Human nakanaog ang maestra mipabulhot og padagan ang taxi drayber paingon sa wala matino nga direksyon. Matud niya, sa pagsakay pa lang niya, nagduda na siya sa drayber kay dihang iyang giestoryahan wala gyud motubag.

Nakuha hinuon niya ang plate number sa taxi (gipugngan una sa Banat News) ug sa ilang pagsubay sa CCTV sa lugar ilaha usab nakuha ang body number apan dili maklaro ang pangalan sa taxi. Gihulagway sa maestra nga anaa sa 40 hangtod 50 anyos ang pangidaron sa drayber nga daot ug taason ang panglawas. Ang maestra gikatakdang modangop sa buhatan sa Land Transportation Office aron ma-trace kung kinsa ang operator sa maong taksi ug kinsa ang nagmaneho niadtong orasa.

Ang hepe sa Police Community Relations (PCR) sa Cebu City Police Office, Chief Inspector David Señor mitambag sa publiko nga labing una nga bantayan sa mga pasahero sa taxi ang panagway sa drayber ayha kini mosakay, ug kun dunay pagduda mas maayong di na lang mopadayon og sakay.

Wa usab matino sa maestra kun unsay tuyo kaniya sa drayber, apan nasayran nga adunay susamang kaso nga nikatap sa social media diin usa ka call center agent dinhi sa Dakbayan sa Sugbo ang diriyot usab nga mabiktima.  Didto sa kaulohan adunay mga pasaherong nabiktima sa pagpanulis human sila nangalipong sa gi-spray sa drayber. – /EIM) (BANAT NEWS)

ABELLANA NATIONAL HIGH SCHOOL ANG BANAT NEWS CARBON POLICE STATION CEBU CITY POLICE OFFICE CHIEF INSPECTOR DAVID SE DAKBAYAN DRAYBER IYANG NGA NIYA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with