Pawnshop gitulis, balay gilungkab

Christell Fatima M. Tudtud (Banat) - January 18, 2016 - 9:00am

CEBU, Philippines – Usa ka ilado’ng pawnshop sa Pusok, Dakbayan sa Lapu-Lapu ang gilungkab niadto’ng Domingo sa udto sa lima ka lalaki’ng nagpaka-aron-ingnong mga empleyado sa mao’ng financial establishment.

Matud ni Senior Police Officer 2 Roger Uriarte sa Pusok Police Station nga alas 12:40 sa udto nisulod ang lima ka lalaki ug nagpaila nga mga IT auditing team sa kompaniya diin ang tulo ka tawo nagsul-ob og puwa nga uniporme.

Sa gipangsul-ob sa suspek, gipasulod lang kini dayon sa usa sa mga kawani sa teller ug depository vault area nga wala’y mando gikan sa assistant branch manager nga si Abelardo Mirafuenets, 24, residente sa Barangay Labogon, Dakbayan sa Mandaue.

Samtang ang duha ka kauban nagpabilin ug nag-atang sa lobby sa pawnshop.

Dugang ni Uriarte nga ang mga empleyado sa pawnshop niadto’ng orasa gawas ni Mirafuentes, mao sila si Johnrey Rondina, 24, branch manager ug residente sa Barangay Buaya; duha ka tellers nga sila si Meah Mampis, 22, nagpuyo sa Siyudad sa Danao ug si  Aiza Senerpida, 27, kinsa nagpuyo sab sa Barangay Buaya.

Diha’ng nakasulod na ang tulo sa teller ug depository area, usa kanila nipawong sa power supply sa pawnshop ug gikataho’ng nideklarar og hold-up ug dayong guba sa closed-circuit television camera.

Nagkanayon si Senior Inspector Zenaido Pastorfide sa Lapu-Lapu City Police Office-Crime Against Persons Desk nga usa sa mga tulisan nagdala og armas ug dali’ng gilimas ang kwarta ug mga alahas sa usa ka vault box ug laing kwarta nga gisulod og cashier box ug dali’ng niikyas pinaagi sa pagsakay og awto.

Wala pa nahibaw-i sa kapolisan kung pila ang kantidad sa nahanaw nga kwarta sa pawnshop ug padayon gihapon nila’ng gi-imbestigar ang insidente.

Sa laing bahin, usa ka 50-anyos nga babaye ang gikawatan sa wala mailhi’ng kawatan samtang nangatulog kauban sa iya’ng bana sa La Aldea Subdivision, Timpolok, Dakbayan sa Lapu-Lapu alas 2:30 sa buntag sa niagi’ng Enero 14.

Si Nonadel Soriano, opisyal sa usa ka aeronautics school, ang ni-report sa polis pasado alas 5 sa buntag human nawagtangan og usa ka gold necklace nga kantidad og P5,000; usa ka cellphone nga tag P12,000 ug kwarta nga P200,000 ilabi na ang yawe sa auto niini. Sa pakisusi ni PO2 Gino Guiman sa Marigondon Police Station 4 nga natulog si Soriano kuyog sa bana nga si Sorel (Bong Soriano), kanhi sakop sa media, alas 11:30 niadto’ng gabhiona.

Sa pagmata sa mga biktima, ila’ng namatikdan nga ang duha ka jalousie blades sa una’ng andana sa balay natangtang ug didto na nila nahibaw-an nga nangawagtang na ang mga butang ni Soriano. – /GMR) (BANAT NEWS)

ABELARDO MIRAFUENETS ACIRC AIZA SENERPIDA ANG BARANGAY BUAYA BARANGAY LABOGON BONG SORIANO DAKBAYAN MGA NGA USA
Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with