^

Banat Balita

TEAM ug CCTO nangandam sa Traslacion

Banat

CEBU, Philippines – Gipahimangnoan sa mga nagdumala sa Traslacion sa imahen ni Senyor Santo Niño ang higpit nga pagdili sa pagbuhi og balloon o ang pagpabuto og mga rebentador sa mga dalan nga pagaagian sa karo nga maoy pagaluwanan alang sa tinuig nga pagbisita sa Dakbayan sa Mandaue.

Ang pahimangno gipagawas sa gihimong panagtigom nga gidumala nila ni Atty. Paterno Acabodillo ug mga sakop sa coast guard, Mandaue City Police Office (MCPO) ug uban pa.

Gipasabot nila nga ang pagbuhi og balloon gawas nga dili maayo alang sa kalikopan makahatag usab kini og hulga sa kalit nga brownout sa higayon nga masangit kini sa linya sa kuryente.

Si Glenn Antigua nga maoy operation chief sa Traffic Enforcement Agency of Mandaue (TEAM) miingon nga atol sa Traslacion walay siradohan nga mga dalan.

Ang rota mosubay sa dalan A. S. Fortuna gikan sa Barangay Banilad, Dakbayan sa Sugbo ug motadlas subay sa dalan A.S. Fortuna Extension sa Barangay Guizo ug moliko sa wala nga bahin sa dalan A. Del Rosario ug moliko sa tuo sa dalan Sotero B. Cabahug ug molahos na pagsulod sa National Shrine of Saint Joseph Parish alang sa alas-10 sa buntag nga welcome mass niini.

Si Acabodillo miingon nga 24-oras nga mag-vigil ang mga deboto ug alas-3 sa kaadlawon sa adlaw nga Sabado pagahimoon ang Santos nga Misa  ug pagkahuman niini himuon ang foot procession.

Ang foot procession adto mosubay sa dalan Catalino U. Ouano Avenue nga molabay kini sa atubangan sa city hall mopaingon sa Ouano Wharf  ug ipasakay sa galleon alang sa fluvial procession pabalik sa Cebu City.

Subsob na ang gihimong pagpangandam sa Cebu City Transportation Office (CCTO) alang sa nagkaduol nga selebrasyon sa Sinulog karong tuiga diin usa sa ilang gipreparahan mao ang pag-usab sa rota sa Traslacion nga kabahin sa kalihukan sa Basilica Del Sto. Niño aron malikayan ang traffic congestion.

Kagahapon, mao ang grand launching sa Sinulog 2016, si Joy Tumulak, Operations Officer sa CCTO mibutyag nga adunay mga dalan nga gisirad-an tungod sa parada ug nibalik kini sa normal human ang tanang mga contingents nakasulod na sa Cebu City Sports Center.

Ang mga apektadong dalan atol sa kalihukan  kagahapon mao ang dapit sa Osmeña Boulevard, gikan sa Basilica Del Sto. Niño paingon sa Fuente Osmeña Circle ug U-turn paingon na dayon sa Cebu City Sports Center.

Gawas sa maong pagpangandam mihimo usab sila og adjustment sa pag-usab sa rota sa Traslacion.

Matud ni Tumulak, walay road closure ug re-routing nga mahitabo atol unya sa maong kalihukan nga ipahigayon sa Enero 15 adlaw’ng Biyernes.

Nasayran ang plano nga buhaton sa CCTO mao ang temporaryo nga pagpahunong sa intersection aron paghatag og prayoridad sa convoy sa Traslacion. (Romeo Limpangog ug Decemay P. Padilla/EIM)(BANAT NEWS)

 

ANG

ATILDE

BARANGAY BANILAD

BARANGAY GUIZO

BASILICA DEL STO

CATALINO U

CEBU CITY SPORTS CENTER

DALAN

MGA

NGA

TRASLACION

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with