Mayor Frasco gikiha ni VM Pilapil
Michael Vencynth Braga (Banat) - December 6, 2015 - 9:00am

CEBU, Philippines – Gipasakaan og kaso’ng administratiba si Liloan Mayor Vincent Franco “Duke” Frasco ni Bise Mayor Lucelito Pilapil labot sa P3 milyones nga scholarship nga wala’y ordinansa nga nagtugot niini.

Si Pilapil nipasangil nga ang pundo gikuha gikan sa P6 milyones alang sa Solid Waste Management Program sa lungsod ug gigamit sa “DUKE Scholarship Program.”

Niadto’ng Oktubre 23, gipanghatag sa mga beneficiaries sa scholarship program ang P3 milyones.

Apan matud ni Pilapil nga ilegal ang pagpagawas sa kwarta sanglit wala’y appropriation ordinance nga nagtugot niini.

Dugang ni Pilapil nga ang gibuhat sa mayor usa ka pang-abuso sa iya’ng gahum ug wala nisubay sa sakto’ng proseso.

Iya usab giklaro nga dili siya supak sa scholarship program apan ipasubay sa proseso.

Ang konseho giingong nipasar sa appropriation ordinance niadto’ng Nobiyembre 4 pipila ka adlaw human sa pagpanghatag sa scholarship diha’ng si Pilapil ang naglingkod isip acting mayor sanglit nibiyahe sa Amerika si Frasco.

Si Pilapil nga kanhi kaalyado ni Frasco ang ikaatbang sa asawa nga si Atty. Christina Garcia Frasco, anak ni kanhi gobernador Gwendolyn Garcia, sa pagka-mayor sa eleksiyon sunod tuig. – /GMR) (BANAT NEWS)

ACIRC AMERIKA ANG BISE MAYOR LUCELITO PILAPIL CHRISTINA GARCIA FRASCO GWENDOLYN GARCIA LILOAN MAYOR VINCENT FRANCO NGA SCHOLARSHIP PROGRAM SI PILAPIL SOLID WASTE MANAGEMENT PROGRAM
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with