Comelec maproblema kung ‘no-bio’ pabotaron
(Banat) - December 2, 2015 - 9:00am

CEBU, Philippines - Apektado ang pagpangandam sa Commission in Elections sa eleksiyon sunod tuig kung pabotaron gyud kadto’ng wala’y biometric subay sa kamanduan sa Korte Suprema.

Si Provincial Election Officer, Atty. Ferdinand Gujilde, nagkanayon nga giandam na nila ang clustered precincts ug posible nga mobalik og daghan ang botante sa matag presinto. Gitakda ang 800 ka botante sa matag clustered precinct ug hayan ibalik kini sa tag 1,000 kung ipatuman ang mando sa Korte Suprema.

Matud ni Gujilde nga posible’ng makasugat usab og problema sa pagpalit og dugang Precinct Count Optical Scanner (PCOS) machines.

Ang wala’y biometrics lukop nasud mokabat sa tres milyones samtang sa Sugbo adunay 100,000.

Niadto’ng Martes ang Korte Suprema niluwat og temporary restraining order (TRO) batok sa “No Bio, No Boto” policy sa Comelec human niduso og petisyon ang Kabataan Party-list.

Alang kang Gujilde, uwahi na ang desisyon sanglit na-deactivate na sa Election Registration Board kadto’ng mga wala’y biometrics.

Magpaabot ang Comelec sa Sugbo sa mando sa ila ulohang buhatan kalabot sa mao’ng desisyon.

Giklaro ni Gujilde nga igo ra nituman ang Comelec sa balaud apan andam sila motuman sa desisyon sa Korte Suprema. (BANAT NEWS)

ACIRC ANG COMELEC ELECTION REGISTRATION BOARD FERDINAND GUJILDE GUJILDE KABATAAN PARTY KORTE SUPREMA NO BIO NO BOTO PRECINCT COUNT OPTICAL SCANNER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with