_banat
^

Nag-“sorry”, apan gipusil sa ulo

Jojo C. Ugdol (Banat) - November 29, 2015 - 9:00am

CEBU, Philippines – Kanhi taxi driver gidul-itan sa pagpusil sa ulo sulod sa usa ka lawak nga gituohang gihimong suyopanan diha sa usa ka balay sa Sitio Sto. Niño, Barangay Inayawan ning dakbayan sa Sugbo kagahapon sa buntag.

Ang biktima giila nga si Eduardo Abasolo, 46, lumad nga taga lungsod sa Barili nakaangkon og samad pinusilan sa iyang ulo ug patay na dihang naabtan sa kapolisan.

Sumala pa ni Senior Police Officer 2 Wetzel Berry, imbestigador sa Homicide Section sa Cebu City Police Office nga nahinabi sa Banat News ang maong lawak gipuy-an sa amigo sa biktima nga si Manuel Alba, 45, usa ka trisikad drayber.

Si Alba nga nahinabi sa mga polis miingon nga niadtong nakalabay nga adlaw naabot sa iyang gipuy-an si Abasolo ug nananghid nga mopahulay ug kini iyang gitugtan kay pirme na man kini nga magbisitahan sa iyang giabangan nga lawak.

Apan si Alba mipasabot nga wala kini nakahibalo kung kinsa ang kauban ni Abasolo sulod sa lawak kay niadtong tungora namasahero kini sa iyang trisikad tibuok gabii ug wala siya nakauli kay diha siya nakatulog sa parkingan sa iyang trisikad tungod sa kusog nga bundak sa ulan.

Usa ka silingan ni Alba nga nahinabi sa kapolisan nakadungog nga adunay kaestorya si Abasolo ug nangayo pa kini’g pasaylo sa kaestorya ug dayon misunod ang buto sa armas.

Si Berry midugang nga posibling problema sa drugas ang motibo sa pagpatay sa biktima ug posibleng adunay sala nga nabuhat ang biktima ngadto sa nakauban niya pagsuyop og drugas ayha kini gipatay. – /EIM) (BANAT NEWS)

 

ABASOLO BANAT NEWS BARANGAY INAYAWAN CEBU CITY POLICE OFFICE EDUARDO ABASOLO HOMICIDE SECTION MANUEL ALBA NGA SENIOR POLICE OFFICER SI ALBA SI BERRY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with