^

Help desk ipabutang sa mga hospitals

Brenda Batuto (Banat) - November 18, 2015 - 9:00am

CEBU, Philippines - Gisugyot ni Bise Gobernador Agnes Magpale ang pagpabutang og help desk sa matag provincial ug district hospital nga mogiya sa panginahanglan sa mga pasyente.

Kini aron dili na masubli ang nahitabo sa usa ka pasyente sa Minglanilla District Hospital hangtud kini namatay.

Matud ni Magpale nga ang help desk adunay tawo nga ibutang sulod sa 24-oras matag adlaw.

Atol sa budget hearing kagahapon, gisugyot nga ilakip sa budget sa 2016 ang alang sa mga tambal ug uban pa’ng gikinahanglan sa mga pasyente sa mga provincial ug district hospitals.

Matud ni Rocelyn Zosa, officer-in-charge sa Provincial Social Welfare and Development Office, nga ila’ng tan-awon kung malakip ba sa P20 milyones nga budget ang mga district ug provincial hospitals o ba kaha magdugang sila og laing budget.

Ang PSWDO niduso og P20 milyones alang sa Aid for Individual in Crisis Situation (AICS) sa tuig 2016.

Apan matud ni Zosa nga ang AICS alang lang kini sa mga pasyente sa Vicente Sotto Memorial Medical Center (VSMMC).

Si Bokal Grecilda Sanchez sa iyang bahin, nagkanayon nga buot nila’ng adunay budget nga sama og revolving fund nga ibutang diha sa mga provincial ug district hospitals aron adunay magamit dayon kung may pasyente nga nagkinahanglan.

Matud ni Sanchez nga kung ma-implementar na ang budget alang sa 2016 buot nila’ng mahatagan dayon ang mga district ug provincial hospitals.

Sa laing bahin, walo ka mini ambulances ang gipangapod-apud sa Kapitolyo kagahapon alang sa Mangyan, Sibonga; Santa Rosa ug Tabok sa Dakbayan sa Danao; San Isidro, San Fernando; Tapul, Dakbayan sa Talisay; Sibonga; Obong, Dalaguete ug Candaguit, Sibonga. (BANAT NEWS)

ANG BISE GOBERNADOR AGNES MAGPALE CRISIS SITUATION DAKBAYAN MATUD MGA MINGLANILLA DISTRICT HOSPITAL NGA PROVINCIAL SOCIAL WELFARE AND DEVELOPMENT OFFICE ROCELYN ZOSA SIBONGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with