Taxi driver, pasahero mag-atubang balik sa LTFRB
Decemay P. Padilla (Banat) - March 17, 2015 - 12:00am

CEBU, Philippines – Karong Huwebes gikatakda nga magtagbo pag-usab kadto’ng reklamante ug taxi driver nga gireklamo’ng nanion og kutsilyo sa iyang pasahero human gipaninglan sa P10 nga refund sa flagdown rate.

Gipaabot nga may mga testigos na nga dad-on sila si Dave Say Horca, ang pasahero ug ang taxi driver nga si Jose Ramos sa buhatan sa Land Transportation Franchising Regulatory Board.

Kun mapamatud-an gyud nga sad-an ang driver, ang operator sa taxi pabayron sa LTFRB-7 og P5 mil samtang ang driver silotan sa Land Transportation Office-7. Gi-summon na ang operator sa SD taxi nga gimaneho ni Ramos human usab makadawat ang LTFRB og daghang reklamo gikan sa mga pasahero batok sa uban pa nila nga driver. Pahimangno ni LTFRB-7 acting director Reynaldo Elnar sa mga taxi operators nga sila na gyud ang mopahinumdum sa ilang mga driver kun unsa’y mga kamanduan nga gipatuman. Kahinumduman nga nag-atubang sa niagi’ng semana ang reklamante ug taxi driver ug atol sa inquiry gipanghimakak tanan ni Ramos ang pasangil ni Horca.  – /GMR) (BANAT NEWS)

DAVE SAY HORCA DRIVER GIPAABOT JOSE RAMOS KARONG HUWEBES LAND TRANSPORTATION FRANCHISING REGULATORY BOARD LAND TRANSPORTATION OFFICE RAMOS REYNALDO ELNAR
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with